ദുബൈയിലെ മഴക്കെടുതി.... കേരളത്തില് നിന്ന് യു.കെ, കാനഡ, അയര്ലന്ഡ് തുടങ്ങിയിടങ്ങളിലേക്കുള്ള യാത്രികര് വലയുന്നു
ദുബൈയിലെ മഴക്കെടുതി.... കേരളത്തില് നിന്ന് യു.കെ, കാനഡ, അയര്ലന്ഡ് തുടങ്ങിയിടങ്ങളിലേക്കുള്ള യാത്രികര് വലയുന്നു.ദിവസങ്ങള്ക്കുമുമ്പേ ടിക്കറ്റെടുത്ത നിരവധിപേര്ക്ക് എന്ന് യാത്ര സാധ്യമാകുമെന്ന കാര്യത്തില് വിമാനക്കമ്പനികള് ഉറപ്പുനല്കുന്നില്ല.
എമിറേറ്റ്സ് വിമാനത്തില് ദുബൈ വഴി പോകാനായി ടിക്കറ്റെടുത്ത യാത്രക്കാര് കഴിഞ്ഞ രണ്ടുദിവസം നെടുമ്പാശ്ശേരി വിമാനത്താവളത്തിലെത്തിയെങ്കിലും ഇവരെ ദുബൈക്ക് കൊണ്ടുപോകാന് എമിറേറ്റ്സ് അധികൃതര് തയ്യാറായില്ല.ദുബൈയില്നിന്ന് വിമാനങ്ങളില്ലാത്തതിനാല് ഇവര് ദുബൈയില് കുടുങ്ങുമെന്നാണ് അധികൃതര് പറയുന്നത്.
യാത്ര സാധ്യമാകുമ്പോള് സന്ദേശം ലഭ്യമാകുമെന്നാണ് പറയുന്നത്. പലര്ക്കും യു.കെയിലും മറ്റും ലീവ് കഴിഞ്ഞ് ജോലിക്ക് കയറേണ്ട സമയപരിധി അവസാനിച്ചു. എന്നാല്, യഥാസമയം എത്താന് കഴിയാത്ത പ്രശ്നങ്ങള് ചൂണ്ടിക്കാട്ടി വിമാനക്കമ്പനികള് യാത്രക്കാര്ക്ക് കത്ത് നല്കും. ഇത് കാണിച്ചാല് ജോലി നഷ്ടമാവില്ലെന്നാണ് ചിലര് പറയുന്നത്.
https://www.facebook.com/Malayalivartha
