ഓണ്‍ലൈന്‍ ഹജ്ജ് അപേക്ഷക്കുള്ള അവസാന തീയതി 30വരെ നീട്ടി. ഇതുവരെ കേരള സംസ്ഥാന ഹജ്ജ് കമ്മിറ്റി മുഖേന 18,835 ഓണ്‍ലൈന്‍ അപേക്ഷകള്‍ ലഭ്യമായി.

ഇതില്‍ 3768 അപേക്ഷകള്‍ 65 വയസ്സിനുമുകളിലും 2077 അപേക്ഷകള്‍ 45 വയസ്സിനുമുകളില്‍ പ്രായമുള്ള വനിതാവിഭാഗത്തിലും (മെഹറം ഇല്ലാത്ത) 12,990 അപേക്ഷകള്‍ ജനറല്‍ വിഭാഗത്തിലുമാണ് ലഭിച്ചിട്ടുള്ളത്.

രാജ്യത്താകെ ഇതുവരെ 1,32,511 അപേക്ഷകളാണ് ലഭിച്ചത്. കേരളത്തില്‍ നിന്നുള്ള അപേക്ഷകര്‍ നിശ്ചിത സമയത്തിനകം നടപടികള്‍ പൂര്‍ത്തീകരിക്കണമെന്ന് സംസ്ഥാന ഹജ്ജ് കമ്മിറ്റി അറിയിച്ചിട്ടുണ്ട്.