വിമാനം വൈകി യാത്രക്കാർക്ക് ബുദ്ധിമുട്ടാകുന്ന സംഭവങ്ങൾ നിരവധി റിപ്പോർട്ട് ചെയ്തിട്ടുണ്ട് . ഇപ്പോൾ ഇതാ വീണ്ടും അത്തരത്തിൽ ഒരു സംഭവം ഉണ്ടായിരിക്കുന്നു. എയർ ഇന്ത്യ എക്സ്പ്രസ് വിമാനം വൈകുന്നു. തിരുവനന്തപുരത്തു നിന്നും മസ്കറ്റിലേക്ക് പോകേണ്ട വിമാനമാണ് വൈകുന്നത്  . രാവിലെ 8.30ന് പുറപ്പെടേണ്ടിയിരുന്ന വിമാനം 12.30ലേക്ക് മാറ്റിയിരിക്കുകയാണ് . നൂറിലധികം  യാത്രക്കാർ ദുരിതം നേരിട്ടു .

അതേസമയം കഴിഞ്ഞ ദിവസം ,   തിരുവനന്തപുരം വിമാനത്താവളത്തില്‍ വിമാനത്തിൽ പുക കണ്ടെത്തി. തിരുവനന്തപുരത്ത് നിന്ന് മസ്കറ്റിലേക്ക് പുറപ്പെടാനിരുന്ന എയര്‍ ഇന്ത്യ വിമാനത്തില്‍ നിന്നാണ് പുക ഉയർന്നത്. ടെക്ക് ഓഫിന് തൊട്ട് മുൻപായിരുന്നു വിമാനത്തില്‍ നിന്ന് ഉയർന്നത് അധികൃതരുടെ ശ്രദ്ധയില്‍പ്പെട്ടത്. ഉടന്‍ തന്നെ യാത്രക്കാരെ തിരിച്ചിറക്കി പരിശോധന നടത്തി.

ആശങ്ക വേണ്ടെന്നും വിമാനം ഉടന്‍ പുറപ്പെടുമെന്നും എയർ ഇന്ത്യ അധികൃതര്‍ അറിയിച്ചു.പുക കണ്ടത് തിരുവനന്തപുരം - മസ്ക്കറ്റ് വിമാനത്തിന്‍റെ എഞ്ചിൻഭാഗത്ത്, യാത്രക്കാരെ പുറത്തിറക്കി പരിശോധന നടത്തി,ആശങ്ക വേണ്ടെന്ന് അധികൃതർ അറിയിച്ചിരുന്നു പരിശോധനയ്ക്ക് ശേഷം വൈകീട്ട് അഞ്ച് മണിക്കാണ് യാത്ര  വീണ്ടും തുടങ്ങിയത്.