ഖത്തറില്‍ വാഹനാപകടത്തില്‍ മലയാളി ഉള്‍പ്പെടെ രണ്ടുപേര്‍ മരിച്ചു. കണ്ണൂര്‍ മട്ടന്നൂര്‍ ചോലയില്‍ രഹനാസാണ് (40) ആണ് അപകടത്തിൽ മരിച്ച മലയാളി. കൂടെയുണ്ടായിരുന്ന നേപ്പാള്‍ സ്വദേശിയും അപകടത്തില്‍ മരിച്ചു. ഒപ്പമുണ്ടായിരുന്ന മറ്റൊരു നേപ്പാള്‍ സ്വദേശിയെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്.

വെള്ളിയാഴ്ച വൈകുന്നേരമാണ് രണ്ടുപേരുടെ മരണത്തിന് ഇടയാക്കിയ അപകടമുണ്ടായത്. രാത്രി ഏഴ് മണിയോടെ ഇവര്‍ സഞ്ചരിച്ച വാഹനം നിര്‍ത്തിയിട്ട ട്രെയിലറിന് പിന്നില്‍ ഇടിക്കുകയായിരുന്നു. ഖത്തറിലെ സ്വകാര്യ കമ്പനിയില്‍ ജീവനക്കാരായ ഇവര്‍ ഡെലിവറിക്കായി പോകുന്നതിനിടെയാണ് അപകടം സംഭവിച്ചത്. രഹനാസിന്റെ പിതാവ്: വരട്ടിയോടൻ അബ്ദുൽ വഹിദ, മാതാവ്: ചോലയിൽ ഖദീജ. ഭാര്യ: ശരീഫ. മക്കൾ: മിന്സ ഫാത്തിമ, സൈനുൽ ഹാഫിസ്, സാഖിഫ് ഐമൻ എന്നിവരാണ്.