സൗദിയിൽ സ്വദേശി വനിതയുടെ വധശിക്ഷ നടപ്പാക്കിയതായി ആഭ്യന്തര മന്ത്രാലയം അറിയിച്ചു. ഉറങ്ങിക്കിടന്ന ഭര്‍ത്താവിനെ ഇവർ വെടിവെച്ചു കൊലപ്പെടുത്തിയതിനാണ് ശിക്ഷവിധിച്ചത്. സൗദി പൗരന്‍ ഖാലിദ് ബിന്‍ ഖുറൈബാന്‍ ബിന്‍ ഥുനയ്യാന്‍ അല്‍ശമ്മരിയെ കൊലപ്പെടുത്തിയ വുദൈഹാ ബിന്‍ത് അബ്ദുല്ല ബിന്‍ ഥുനയ്യാന്‍ അല്‍ശമ്മരിക്ക് ഉത്തര അതിര്‍ത്തി പ്രവിശ്യയിലാണ് ശിക്ഷ നടപ്പാക്കിയത്.

ഇത് കൂടാതെ ലഹരിമരുന്ന് കടത്ത് പ്രതിയായ മറ്റൊരു സൗദി പൗരന്റെ വധശിക്ഷയും ഇന്ന് നടപ്പാക്കി. വിദേശത്തു നിന്ന് ലഹരി ഗുളിക ശേഖരം കടത്തുന്നതിനിടെ അറസ്റ്റിലായ സാലിം ബിന്‍ സല്‍മാന്‍ ബിന്‍ ഈദ് അല്‍അതവിയുടെ ശിക്ഷ അല്‍ജൗഫിലാണ് നടപ്പാക്കിയത്.