കുവൈത്തിലെ പ്രവാസികൾ ഇത്തവണത്തെ ന്യൂയർ കളറാക്കാം.  പൊതുമേഖലയ്ക്ക് രണ്ട് ​ദിവസത്തെ പുതുവത്സര അവധി പ്രഖ്യാപിച്ചു. ജനുവരി ഒന്നിനും രണ്ടിനുമാണ് കുവൈത്ത് മന്ത്രിസഭ പുതുവത്സരാഘോഷങ്ങളുടെ ഭാഗമായുള്ള അവധി പ്രഖ്യാപിച്ചിരിക്കുന്നത്.  ജനുവരി ഒന്ന് ബുധനാഴ്ച ആയതിനാല്‍ രണ്ട് ഔദ്യോഗിക അവധി ദിവസങ്ങളുടെ ഇടയില്‍ വരുന്ന ദിവസമാണെന്നത് പരിഗണിച്ച് ജനുവരി രണ്ട് വ്യാഴാഴ്ചയും അവധി ആയിരിക്കുമെന്ന് അധികൃതര്‍ അറിയിച്ചു.

ജനുവരി 3,4 തീയതികള്‍ വാരാന്ത്യ അവധി ദിവസങ്ങള്‍ ആയതിനാല്‍ ജനുവരി അഞ്ച് മുതലാകും പ്രവൃത്തി ദിവസം പുനരാരംഭിക്കുക. എല്ലാ മന്ത്രാലയങ്ങളും സര്‍ക്കാര്‍ സ്ഥാപനങ്ങളും പൊതുമേഖലാ സ്ഥാപനങ്ങളും അടച്ചിടും.