ഏറ്റവും കൂടുതൽ സ്വാധീനമുള്ള അറബ് നേതാവെന്ന പദവി വീണ്ടും സ്വന്തമാക്കി സൗദി കിരീടവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ. 2021 മുതൽ തുടർച്ചയായ നാലാം തവണയാണ് ഈ അംഗീകാരം അദ്ദേഹത്തെ തേടിയെത്തുന്നത്. 2024 ഡിസംബർ 23 മുതൽ 2025 ജനുവരി എട്ടുവരെ അറബ് സമൂഹത്തിനിടയിൽ റഷ്യ ടുഡേ അറബിക് നെറ്റ് വർക്ക് നടത്തിയ അഭിപ്രായ സർവേ പ്രകാരമാണ് അദ്ദേഹത്തെ തിരഞ്ഞെടുത്തത്. സർവേയിൽ പങ്കെടുത്തവരിൽ 54.54 ശതമാനം അഥവാ 31,166 വോട്ടുകളിൽ 16,998 വോട്ടുകളും കിരീടാവകാശിക്ക് ലഭിച്ചു.

2024ൽ ഉടനീളം പ്രതിസന്ധികൾ അവസാനിപ്പിക്കുന്നതിനും മാനുഷിക ദുരിതങ്ങൾ ലഘൂകരിക്കുന്നതിനുമുള്ള പ്രാദേശികവും ആ​ഗോളവുമായ ശ്രമങ്ങൾക്ക് മുഹമ്മദ് ബിൻ സൽമാൻ നേതൃത്വം നൽകി. മിഡിൽ ഈസ്റ്റിലും വിശാലമായ മേഖലയിലും സമാധാനവും സ്ഥിരതയും കൊണ്ടുവരാനുള്ള ശ്രമങ്ങൾക്കും മുഹമ്മദ് ബിൻ സൽമാൻ നേതൃത്വം നൽകിയിരുന്നു.