സങ്കടമടക്കാനാവാതെ... മലയാളി വിദ്യാര്‍ഥിനി യു.എസില്‍ വാഹനാപകടത്തില്‍ മരിച്ചു. വടകര കസ്റ്റംസ് റോഡ് സ്വദേശി മുഹമ്മദ് അസ്ലമിന്റെ മകള്‍ ഹെന്ന അസ്ലം (21) ആണ് മരിച്ചത്.

ന്യൂ ജേഴ്‌സി റട്‌ഗേഴ്‌സ് യൂണിവേഴ്‌സിറ്റി വിദ്യാര്‍ഥിയാണ്.കോളജിലേക്ക് കാറോടിച്ച് പോകവേ ഓവര്‍ടേക്ക് ചെയ്ത് വന്ന വാഹനത്തിന് വഴിമാറിക്കൊടുത്തപ്പോള്‍ ഇടിക്കുകയായിരുന്നു. ആശുപത്രിയില്‍ എത്തിയ ഉടനെയായിരുന്നു മരണം സംഭവിച്ചത്.

മാതാവ്: സാജിദ അബ്ദുല്ല (ചേളന്നൂര്‍ സ്വദേശിനി). സഹോദരങ്ങള്‍: ഹാദി അസ്ലം, അമല്‍ അസ്ലം, സൈന്‍ അസ്ലം. ചേളന്നൂര്‍ അബ്ദുല്ല സാഹിബിന്റെയും നൂറുന്നിസ ടീച്ചറുടെയും പേരമകളാണ്. ഹെന്നയും കുടുംബവും കഴിഞ്ഞ 14 വര്‍ഷമായി അമേരിക്കയിലെ ന്യൂ ജേഴ്‌സിയിലാണ് താമസിച്ചു വന്നിരുന്നത്.