ജോലിസ്ഥലത്തുണ്ടാകുന്ന അപകടങ്ങൾ തൊഴിലുടമകൾ 24 മണിക്കൂറിനുള്ളിൽ റിപ്പോർട്ട് ചെയ്യണമെന്ന് ഒമാൻ തൊഴിൽ മന്ത്രാലയം. രാജ്യത്തെ എല്ലാ തൊഴിലുടമകളും ബിസിനസ്‌ ഉടമകളും തൊഴിൽ സുരക്ഷ സംബന്ധിച്ച നിയന്ത്രണങ്ങൾ പാലിക്കണമെന്നും വ്യക്തമാക്കി മന്ത്രാലയം.

ഗുരുതര തൊഴിലപകടം, സ്ഥിരീകരിച്ച തൊഴിൽ രോഗം എന്നിവയുണ്ടായാൽ 24 മണിക്കൂറിൽ അറിയിക്കാൻ തൊഴിലുടമകൾ നിയമപരമായി ബാധ്യസ്ഥരാണ്. തൊഴിൽ മന്ത്രാലയത്തിലെ തൊഴിൽ സുരക്ഷ, ആരോഗ്യ വകുപ്പിനെയോ ഗവർണറേറ്റുകളിലെ പ്രസക്തമായ വിഭാഗത്തെയോ അത്തരം സംഭവങ്ങൾ രേഖാമൂലം അറിയിക്കണം.

ഇൻഷുറൻസ് പരിരക്ഷയുള്ള ജീവനക്കാർ ഉൾപ്പെടുന്ന ജോലി സംബന്ധമായ പരിക്കുകൾ സാമ‍ൂഹ്യ സുരക്ഷാ നിധിയെ അറിയിക്കണമെന്നും വ്യക്തമാക്കി മന്ത്രാലയം .