മുഖ്യമന്ത്രി പിണറായി വിജയന് രണ്ടുദിവസത്തെ സന്ദര്ശനത്തിനായി ബഹ്റൈനിലെത്തി... മലയാളം മിഷന്റെയും ലോക കേരള സഭാംഗങ്ങളുടെയും നേതൃത്വത്തിലാണ് സംഗമം.
രണ്ടുദിവസത്തെ സന്ദര്ശനത്തിനായി മുഖ്യമന്ത്രി പിണറായി വിജയന് ബഹ്റൈനിലെത്തി. ഇന്ന് വൈകുന്നേരം 6.30-ന് കേരളീയ സമാജം ഡയമണ്ട് ജൂബിലി ഹാളില് നടക്കുന്ന മലയാളി പ്രവാസി സംഗമം മുഖ്യമന്ത്രി ഉദ്ഘാടനം ചെയ്യും.
മലയാളം മിഷന്റെയും ലോക കേരള സഭാംഗങ്ങളുടെയും നേതൃത്വത്തിലാണ് സംഗമം. ചടങ്ങില് ഇന്ത്യന് സ്ഥാനപതി വിനോദ് കെ. ജേക്കബ്, മന്ത്രി സജി ചെറിയാന്, കേരള ചീഫ് സെക്രട്ടറി ഡോ. ജയതിലക്, ലുലു ഗ്രൂപ്പ് ചെയര്മാന് എം.എ. യൂസഫലി തുടങ്ങിയവര് സംബന്ധിക്കുകയും ചെയ്യും.
പ്രാദേശികസമയം ബുധനാഴ്ച അര്ധരാത്രി 12.40-ന് ബഹ്റൈന് അന്താരാഷ്ട്ര വിമാനത്താവളത്തിലെത്തിയ മുഖ്യമന്ത്രിക്ക് ഊഷ്മളസ്വീകരണമാണ് ലഭിച്ചത്. വ്യവസായി വര്ഗീസ് കുര്യന്, ബഹ്റൈന് കേരളീയ സമാജം പ്രസിഡന്റും സ്വാഗതസംഘം ചെയര്മാനുമായ പി.വി. രാധാകൃഷ്ണപിള്ള, ജനറല് കണ്വീനര് പി. ശ്രീജിത്ത്, സമാജം സെക്രട്ടറി വര്ഗീസ് കാരയ്ക്കല്, ലോക കേരളസഭാംഗം സുബൈര് കണ്ണൂര് തുടങ്ങിയവര് മുഖ്യമന്ത്രിയെ സ്വീകരിക്കാനെത്തി. മുഖ്യമന്ത്രിയായ ശേഷം രണ്ടാംതവണയാണ് പിണറായി വിജയന് ബഹ്റൈന് സന്ദര്ശിക്കുന്നത്.
അതേസമയം ഒമാന്, ഖത്തര്, യുഎഇ, കുവൈത്ത് തുടങ്ങിയ രാജ്യങ്ങള് ഡിസംബര് ഒന്നുവരെ വിവിധ ഇടവേളകളില് സന്ദര്ശിക്കാനാണ് ലക്ഷ്യമിടുന്നത്. ബഹ്റൈന് സന്ദര്ശനത്തിനു ശേഷം കേരളത്തിലേക്ക് മടങ്ങുന്ന മുഖ്യമന്ത്രി ഈ മാസം 24, 25 തീയതികളില് ഒമാന് സന്ദര്ശിക്കും. നവംബര് ഒന്പതിനാണ് യുഎഇ സന്ദര്ശനം. സൗദി അറേബ്യ സന്ദര്ശിക്കാന് കേന്ദ്രാനുമതി ലഭ്യമായിട്ടില്ല..
https://www.facebook.com/Malayalivartha
