കുവൈത്തിലെത്തിയ മുഖ്യമന്ത്രി പിണറായി വിജയന് അവിസ്‌മരണീയമായ വരവേൽപ്പൊരുക്കി പ്രവാസി മലയാളികൾ. മൻസൂരിയ അൽ അറബി ഇൻഡോർ സ്റ്റേഡിയത്തിൽ നടന്ന പ്രവാസി സംഗമം മുഖ്യമന്ത്രി ഉദ്‌ഘാടനം ചെയ്‌തു.

കേരളത്തെ വികാരമായി കൊണ്ടുനടക്കുന്നവരാണ്‌ ലോകത്താകെയുള്ള പ്രവാസി മലയാളികളെന്ന് മുഖ്യമന്ത്രി പറഞ്ഞു.

കേരളത്തെക്കുറിച്ചുള്ള പ്രവാസികളുടെ കരുതലിന്റെയും പ്രതീക്ഷയുടെയും ഭാഗമായാണ് ഗൾഫ്‌ പര്യടനത്തിന്റെ ഭാഗമായി ലഭിച്ച ഉജ്വല സ്വീകരണങ്ങൾ. പോയ ഇടങ്ങളിലെല്ലാം ഒന്നിനൊന്ന് മെച്ചപ്പെട്ട മലയാളി കൂട്ടായ്മകളാണ് കണ്ടത്. കുവൈത്തും ആ പട്ടികയിൽ മുൻപന്തിയിൽ നിൽക്കുന്നുവെന്നും അദ്ദേഹം വ്യക്തമാക്കി.