2026 ൽ യുഎഇയിൽ പ്രധാന മാറ്റങ്ങൾ വരുന്നു. പഞ്ചസാരയുടെ അളവനുസരിച്ച് നികുതി ഏർപ്പെടുത്തി ആരോഗ്യകരമായ ജീവിതം പ്രോത്സാഹിപ്പിക്കും. ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉൽപ്പന്നങ്ങൾ പൂർണ്ണമായി തുടങ്ങിയവ ഏർപ്പെടുത്തും.കൂടുതൽ വിവരങ്ങൾ ഇങ്ങനെ

യുഎഇ നിവാസികളുടെ ജീവിതം കൂടുതൽ എളുപ്പവും ആരോഗ്യകരവുമാക്കാൻ ലക്ഷ്യമിട്ടുള്ള നിരവധി പുതിയ നിയമങ്ങളും പരിഷ്‌കാരങ്ങളും 2026 ഓടെ വരുന്നു. എല്ലാ മേഖലകളിലെയും ജീവിതനിലവാരം മെച്ചപ്പെത്തുക എന്ന ലക്ഷ്യത്തിലാണ് യുഎഇയിൽ പുതിയ മാറ്റങ്ങൾ വരുന്നത്.

2026 ജനുവരി 1 മുതൽ രാജ്യത്ത് പഞ്ചസാര അടങ്ങിയ പാനീയങ്ങൾക്ക് നികുതി ഏർപ്പെടുത്തുന്ന രീതിയിൽ മാറ്റം വരും. ധനകാര്യ മന്ത്രാലയത്തിൻ്റെയും ഫെഡറൽ ടാക്സ് അതോറിറ്റിയുടെയും അറിയിപ്പ് പ്രകാരം അടുത്ത വർഷം മുതൽ മധുരപാനീയങ്ങൾക്ക് നികുതി ചുമത്തുന്നത് അവയുടെ ഉൽപ്പന്ന വിഭാഗത്തിന് 50 ശതമാനം എക്സൈസ് തീരുവയായിരിക്കില്ല.

പകരം പഞ്ചസാരയുടെ അളവിനെ അടിസ്ഥാനമാക്കിയാണ് നടപ്പിലാക്കുന്നത്. രാജ്യത്തെ കൂടുതൽ ആരോഗ്യകരമായ ജീവിതശൈലിയിലേക്ക് നയിക്കുക എന്നതാണ് ഈ നിയമം കൊണ്ട് പ്രധാനമായും ലക്ഷ്യമിടുന്നത്. കൂടാതെ ഈ നിയമം കൊണ്ട് യുഎഇയിലെ പ്രവാസികൾക്ക് ഗുണം മാത്രമേ ചെയ്യുന്നുള്ളു.

പരിസ്ഥിതി സൗഹൃദപരമായ സമീപനത്തിൻ്റെ ഭാഗമായി 2026 ജനുവരി 1 മുതൽ യുഎഇ ഒറ്റത്തവണ ഉപയോഗിക്കാവുന്ന പ്ലാസ്റ്റിക് ഉൽപ്പന്നങ്ങളുടെ ഇറക്കുമതി, ഉത്പാദനം, വ്യാപാരം എന്നിവയ്ക്ക് നിരോധനം നടപ്പിലാക്കി തുടങ്ങും. 2024 ൽ പ്ലാസ്റ്റിക് ബാഗുകൾക്ക് നിരോധനം ഏർപ്പെടുത്തിക്കൊണ്ട് ആരംഭിച്ച ഘട്ടം ഘട്ടമായുള്ള സമീപനത്തിൻ്റെ തുടർച്ചയാണിത്.

ഒറ്റത്തവണ ഉപയോഗിക്കാവുന്ന പ്ലാസ്റ്റിക് കപ്പുകൾ മൂടികൾ, പ്ലാസ്റ്റിക് കൊണ്ട് നിർമ്മിച്ച ഒറ്റത്തവണ ഉപയോഗിക്കാവുന്ന കട്ട്ലറികൾ,
പ്ലാസ്റ്റിക് ഭക്ഷ്യ പാത്രങ്ങൾ, സ്റ്റിററുകൾ, സ്ട്രോ, സ്റ്റൈറോഫോം ഭക്ഷണ പാത്രങ്ങൾ, കപ്പുകൾ എന്നിവയ്ക്ക് പൂർണമായും നിരോധനം ഏർപ്പെടുത്തും

2026 ൽ നടപ്പിലാക്കുന്ന പുതിയ വാറ്റ് നിയമങ്ങൾ ഉപയോഗിച്ച് യുഎഇ നികുതി നടപടിക്രമങ്ങൾ ലളിതമാക്കാനാണ് ഇത് നടപ്പിലാക്കുന്നത്. പുതിയ നിയമത്തിലെ ഭേദഗതികൾ അനുസരിച്ച് റിവേഴ്സ് ചാർജ് സംവിധാനം വഴി നികുതി നൽകേണ്ട വ്യക്തികൾ ഇനി സ്വയം ഇൻവോയ്‌സുകൾ നൽകേണ്ടതില്ല.

കൂടാതെ അധികമായി റീഫണ്ടബിൾ നികുതി തിരിച്ചുപിടിക്കുന്നതിനുള്ള അപേക്ഷകൾ സമർപ്പിക്കുന്നതിന് അഞ്ച് വർഷത്തെ സമയപരിധി കൂടെ അനുവദിക്കും. ഓരോ വർഷത്തിലും കൊണ്ടുവരുന്ന ഇത്തരം മാറ്റങ്ങൾ യുഎഇയെ സംബന്ധിച്ച് നിരവധി പുതിയ കാര്യങ്ങൾ പ്രവാസികൾക്ക്
നടപ്പിലാക്കുന്നു.