യുഎഇയിൽ താപനില പൂജ്യത്തിലേക്ക് താഴുന്നു. ആഗോള പ്രതിഭാസമായ 'ലാ നിന' കാരണം ജബൽ ജെയ്‌സിലെ 0.2 ഡിഗ്രി താഴെയായി കുറഞ്ഞു,. കൂടാതെ ഈ തണുപ്പ് ഒരു വലിയ മുന്നറിയിപ്പാണ് നൽകുന്നത്.

യുഎഇയിലെ പ്രവാസികൾക്കിടയിലെ പ്രധാന ചർച്ചാവിഷയം ഇപ്പോൾ രാജ്യത്ത് അനുഭവപ്പെടുന്ന അസാധാരണമായ തണുപ്പാണ്. മരുഭൂമിയിലെ ചൂടിൽ ശീലിച്ച പ്രവാസികൾക്ക് താപനില പൂജ്യം ഡിഗ്രിയിലേക്ക് താഴുന്നത് അത്ഭുതവും ഒപ്പം ആശങ്കയും ഉണ്ടാക്കുന്നു.നാഷണൽ സെന്റർ ഓഫ് മെറ്റീരിയോളജിയിലെ വിദഗ്ധർ നൽകുന്ന റിപ്പോർട്ടുകൾ പ്രകാരം യുഎഇയിലെ ഈ തണുപ്പ് വെറുമൊരു പ്രാദേശിക സംഭവമല്ല.

ലോകത്തിന്റെ വിവിധ ഭാഗങ്ങളിൽ അനുഭവപ്പെടുന്ന കാലാവസ്ഥാ വ്യതിയാനത്തിന്റെ ഭാഗമാണിത് എന്നാണ് വ്യക്തമാകുന്നത്. പ്രധാനമായും 'ലാ നിന' എന്ന പ്രതിഭാസമാണ് ഇതിന് പിന്നിൽ. കൂടാതെ പസഫിക് സമുദ്രത്തിലെ ജലം സാധാരണയേക്കാൾ തണുക്കുന്ന അവസ്ഥയാണ് നിലവിലുള്ളത്.

ഒപ്പം യുഎഇയിൽ ഇപ്പോൾ വീശുന്ന ശക്തമായ വടക്കുപടിഞ്ഞാറൻ ഷമാൽ കാറ്റ് തണുപ്പ് വർധിപ്പിക്കുകയും ചെയ്യുന്നു. കഴിഞ്ഞ ദിവസം ജബൽ ജെയ്‌സിൽ താപനില 0.2 ഡിഗ്രി സെൽഷ്യസായി കുറഞ്ഞത് ഇതിന്റെ ഭാഗമായാണ്. കൂടത്തെ അൽ ഐനിലെ രക്ന പോലുള്ള പ്രദേശങ്ങളിലും 4 ഡിഗ്രി വരെയാണ് കുറഞ്ഞ താപനില.

മുൻപും യുഎഇയിൽ തണുപ്പ് ഉണ്ടായിട്ടുണ്ടെങ്കിലും, കാലാവസ്ഥാ വ്യതിയാനം കാരണം ഇത്തരം മാറ്റങ്ങൾ ഇപ്പോൾ ഇടയ്ക്കിടെ അനുഭവപ്പെടുന്നു. പണ്ട് 5-7 വർഷങ്ങൾ കൂടുമ്പോൾ വന്നിരുന്ന ഈ മാറ്റങ്ങൾ ഇപ്പോൾ 2-3 വർഷങ്ങൾക്കുള്ളിൽ ഉണ്ടാകുന്നതായും അധികൃതർ അറിയിച്ചു. എന്നാൽ കാര്യങ്ങൾ ഇങ്ങനെയൊക്കെ ആണെങ്കിലും ഭയപ്പെടേണ്ട സാഹചര്യമില്ല. ഇത് ഒരു 'ഷോർട്ട് വേവ്' അഥവാ ഹ്രസ്വകാല തരംഗമാണെന്നും വരും ദിവസങ്ങളിൽ താപനിലയിൽ നേരിയ വർദ്ധനവ് ഉണ്ടാകുമെന്നാണ് അധികൃതർ അറിയിക്കുന്നത്.

അതേസമയം തണുപ്പ് വർധിക്കുന്ന സാഹചര്യത്തിൽ പ്രവാസികൾ ചില കാര്യങ്ങൾ ശ്രദ്ധിക്കേണ്ടതുണ്ട്. അതായത് ക്യാമ്പിംഗ്, വസ്ത്രധാരണ രീതികൾ, ആരോഗ്യ കാര്യങ്ങൾ എന്നിവ നിർബന്ധമായും പാലിക്കണം. ഇത് സംബന്ധിച്ച് കാലാവസ്ഥ വകുപ്പും ആരോഗ്യ വകുപ്പും മാർഗ നിർദേശങ്ങൾ പുറത്തിറക്കിയിരുന്നു.

പ്രത്യേകിച്ച് പുലർച്ചെയും രാത്രിയിലും പുറത്തിറങ്ങുന്നവർ മതിയായ തണുപ്പിനെ പ്രതിരോധിക്കുന്ന വസ്ത്രങ്ങൾ ധരിക്കാൻ ശ്രദ്ധിക്കണം. കൂടാതെ ലെയറുകളായി വസ്ത്രം ധരിക്കുന്നത് താപനില ക്രമീകരിക്കാൻ സഹായിക്കുമെന്നും അറിയിച്ചു. കൂടാതെ വാരന്ത്യങ്ങളിൽ മരുഭൂമിയിലോ മലനിരകളിലോ ക്യാമ്പിംഗിന് പോകുന്നവർ രാത്രിയിലെ താപനില മുൻകൂട്ടി അറിഞ്ഞിരിക്കുകയും അതികൃതർ നൽകുന്ന നിർദേശങ്ങൾ പാലിക്കുകയും വേണം.

അതേസമയം ജബൽ ജെയ്‌സ്, ഹത്ത തുടങ്ങിയ ഇടങ്ങളിൽ നഗരത്തേക്കാൾ തണുപ്പ് കൂടുതലായിരിക്കുമെന്നാണ് റിപ്പോർട്ട്. കൂടാതെ പെട്ടെന്നുള്ള ഈ തണുത്ത കാലാവസ്ഥാ മാറ്റം കാരണം കുട്ടികളിലും മുതിർന്നവരിലും ജലദോഷം, പനി എന്നിവയ്ക്ക് കാരണമായേക്കാം. അതിനാൽ ധാരാളം വെള്ളം കുടിക്കുകയും പോഷകാഹാരം കഴിക്കുകയും ചെയ്യുക. കൂടാതെ വൈദ്യ സഹായം തേടണമെന്നും അറിയിച്ചു.

കൂടാതെ ജനുവരി 25 ഓടെ വടക്കൻ, കിഴക്കൻ പ്രദേശങ്ങളിൽ നേരിയ മഴയ്ക്ക് സാധ്യതയുണ്ടെന്ന് എൻസിഎം പ്രവചിക്കുന്നു. ഇതിനുശേഷം തണുപ്പ് കുറഞ്ഞ് കാലാവസ്ഥആയിരിക്കുമെന്നും ഇത് കടുത്ത തണുപ്പിൽ നിന്ന് പ്രവാസികൾക്ക് ആശ്വാസം നൽകുമെന്നും അറിയിച്ചു. എങ്കിലും ചില ദിവസങ്ങളിൽ രാത്രികാലങ്ങളിൽ തണുപ്പ് തുടരാൻ സാധ്യതയുണ്ട്.