പ്രവാസികളെ ഞങ്ങൾക്ക് വേണ്ട ! കർശന നിലപാടിൽ ദുബായ് മലയാളികൾ ഉൾപ്പെടെയുള്ള പ്രവാസികൾ ആശങ്കയിൽ ദുബായ് തൊഴിൽ വിപണി മാറുന്നു
30 JANUARY 2026 08:55 PM IST
മലയാളി വാര്ത്ത
പഴയ ദുബായ് അല്ല ഇന്നത്തെ ദുബായ്. വർഷങ്ങൾ കഴിയുംതോറും അതിന്റെതയായ മാറ്റങ്ങൾ യുഎഇയിലെ എല്ലാ തൊഴിൽ മേഖലയിലും കാണുന്നതായി റിപ്പോർട്ടുകൾ പുറത്ത്. നിലവിലെ തൊഴിൽ രീതികൾ പരിഷ്കരിക്കുകയാണ്. നേരത്തെ എമറാത്തികൾ ഗവൺമെന്റ് ഓഫീസുകളിൽ മാത്രം ജോലി ചെയ്യുന്നതിൽ നിന്നും ഇപ്പോൾ സാഹചര്യം ഒരുപാട് മാറി.
ഇന്ന് ബാങ്കുകളിലും, വലിയ പ്രൈവറ്റ് കമ്പനികളിലും, മാളുകളിലുമൊക്കെ പ്രവാസികളേക്കാൾ എമറാത്തികൾക്കാണ് സ്ഥാനം. കൂടാതെ ഗവൺമെന്റ് അവർക്ക് നല്ല ട്രെയിനിംഗും പ്രോത്സാഹനവും നൽകി വരികയും ചെയ്യുന്നു. അതിനാൽ യുഎഇയിലെ തൊഴിൽ വിപണി മാറികൊണ്ടിരിക്കുകയാണ്.
കൂടാതെ ഇത് വഴി യുഎഇയുടെ സ്വന്തം ജനതയെ എല്ലാ മേഖലകളിലും പ്രാപ്തരാക്കുകയാണ് ലക്ഷ്യമിടുന്നത്. എന്നാൽ ഇത്തരം മാറ്റങ്ങൾ പ്രവാസികൾക്ക് ഭീഷണിയല്ലേ എന്നതാണ് പലരുടെയും ആശങ്ക. ദുബായ് ലോകത്തിന് മുന്നിൽ അതിവേഗം വളരുകയാണ്. അതിനാൽ വികസനങ്ങൾ ഉണ്ടാകുമ്പോഴും നിരവധി അവസരങ്ങൾ കൂടെയാണ് ഇവിടെ തുറക്കപ്പെടുന്നത്.
സ്വദേശികളെ മാത്രം വെച്ച് ഈ വളർച്ച നിലനിർത്താൻ യുഎഇയ്ക്ക് ഒരിക്കലും സാധിക്കില്ല. അതിനാൽ അവർക്ക് ഇനിയും ഒരുപാട് പ്രവാസികളെ ആവശ്യമാണ്. അത്കൊണ്ട് നിലവിലുള്ള ജോലിയിൽ തുടരുന്നവർ കുറച്ച് കൂടെ കാര്യങ്ങൾ മനസിലാക്കി പുതിയ കാര്യങ്ങൾ കൂടി പഠിക്കാൻ ശ്രമിക്കേണ്ടതുണ്ട്.
ഇനി ജോലി തേടുന്നവർ ആണെങ്കിൽ എഐ പോലുള്ള പുതിയ കാര്യങ്ങൾ പഠിക്കുന്നതും തീർച്ചയായും ഭാവിയിൽ ഉപകാരപ്പെടും. അതേസമയം പുറത്ത് വരുന്ന സൂചനകൾ പ്രകാരം എയർപോർട്ട് മേഖലയിലാണ് കൂടുതൽ ജോലി ഒഴിവുകൾ ഉണ്ടാകുകയെന്നാണ് റിപ്പോർട്ടുകൾ സൂചിപ്പിക്കുന്നത്.
കൂടാതെ അൽ മക്തൂം എയർപോർട്ട് വലുതാകുന്നതോടെ അവിടെ വലിയ സാധ്യതകളാണ് പ്രവാസികൾക്കായി വരുന്നത്. ലോജിസ്റ്റിക്സ്, ഏവിയേഷൻ, സർവീസ് മേഖലകളിൽ വരാനിരിക്കുന്ന പതിനായിരക്കണക്കിന് ഒഴിവുകളിൽ വലിയൊരു ഭാഗം മലയാളികൾക്ക് ഇനിയും ലഭിക്കാൻ സാധ്യതയുണ്ട്.
ദുബായ് ദിനം പ്രതി മാറി കൂടുതൽ സ്മാർട്ടാകുകയാണ്. ആ മാറ്റത്തിനൊപ്പം സഞ്ചരിക്കാൻ അതിനാൽ ഓരോ പ്രവാസിയും തയ്യാറെടുക്കണം. സ്വദേശിവൽക്കരണം എന്നത് ആ രാജ്യത്തിന്റെ നിയമമാണ് മനസിലാക്കി കൊണ്ട് അതിനെ മാനിച്ചാൽ മാത്രമേ പ്രവാസികൾക്ക് ഇവിടെ വിജയിക്കാൻ സാധിക്കുകയുള്ളുവെന്നും വിദഗ്ദ്ധർ വ്യക്തമാക്കി
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
