യുദ്ധമുഖത്ത് നിൽക്കുന്ന യുഎഇയിൽ സർക്കാരിന്റെ ആശ്വാസ പ്രഖ്യാപനം. സർക്കാർ ജീവനക്കാർക്ക് ശമ്പളം നേരത്തെ നൽകാൻ ദുബായ് കിരീടവകാശി ശൈഖ് ഹംദാൻ ഉത്തരവിട്ടു. ചെറിയ പെരുന്നാൾ പ്രമാണിച്ചാണ് പുതിയ ഉത്തരവ്. എല്ലാ സർക്കാർ ഉദ്യോഗസ്ഥർക്കും ദുബായിൽ മാർച്ച് 17ന് ശമ്പളം ബാങ്ക് അക്കൗണ്ടിലെത്തും.

യുഎഇയിൽ നാല് ദിവസത്തെ പെരുന്നാൾ അവധി പ്രഖ്യാപിച്ചിട്ടുണ്ട്. മാർച്ച് 19 മുതൽ 22 വരെയാണ് അവധി. 18ന് ജോലി കഴിഞ്ഞാൽ 23നാണ് ഓഫീസുകൾ വീണ്ടും സജീവമാകുക. അവശ്യ സർവീസുകളുടെ സേവനം ഉറപ്പാക്കും. എന്നാൽ സ്വകാര്യ മേഖലയിൽ ജോലി ചെയ്യുന്നവർക്ക് 19 മുതൽ 21 വരെയാകും അവധി. റമദാൻ 30 ദിവസം കിട്ടിയാൽ ഇവരുടെ അവധി 22 വരെ നീളും.

മാർച്ച് 20ന് ചെറിയ പെരുന്നാൾ ആയിരിക്കുമെന്നാണ് ദുബായ് ഇസ്ലാമിക കാര്യ വകുപ്പ് പ്രതീക്ഷിക്കുന്നത്. റമദാൻ 29ന് ചാന്ദ്രമാസപ്പിറവി നിരീക്ഷിക്കുന്ന സമിതിയുടെ യോഗം ചേരുന്നുണ്ട്. ശവ്വാൽ മാസം എന്നു തുടുങ്ങുമെന്ന് യോഗ ശേഷം പ്രഖ്യാപിക്കും. മാർച്ച 18ന് ശവ്വാൽ മാസപ്പിറവി കണ്ടാൽ 19ന് ആയിരിക്കും ചെറിയപെരുന്നാൾ.