യുഎഇയിൽ ഇസ്ലാമിക പുതുവത്സര അവധി ഔദ്യോഗികമായി പ്രഖ്യാപിച്ചു. ഈദ് അൽ അദ്ഹയ്ക്ക് ശേഷം പ്രഖ്യാപിച്ച പൊതു അവധിയാണിത്. അതിനാൽ മലയാളി പ്രവാസികൾക്കും ദുബായിലെ സർക്കാർ ജീവനക്കാർക്കും ഏറെ സന്തോഷം നൽകുന്ന ഒരു അവധിയായാണ് കാണുന്നത്.

യുഎഇയിലെ അടുത്ത പൊതു അവധി എപ്പോൾ?
ഹിജ്റ വർഷം 1448 ലെ ഇസ്ലാമിക പുതുവത്സരത്തോടനുബന്ധിച്ച് ദുബായിലെ സർക്കാർ വകുപ്പുകൾക്കും സ്ഥാപനങ്ങൾക്കും ജൂൺ 15 ന് ഔദ്യോഗിക അവധി പ്രഖ്യാപിച്ചു. തിങ്കളാഴ്ചയാണ് ഈ പൊതുഅവധി അതിനാൽ വീണ്ടും പ്രവാസികൾ ഉൾപ്പെടെയുള്ളവർക്ക് ഒരു നീണ്ട അവധിയാണ് ലഭിക്കുന്നത്.
ദുബായ് ഗവൺമെന്റ് ഹ്യൂമൻ റിസോഴ്‌സ് വകുപ്പാണ് ഇത് സംബന്ധിച്ച ഔദ്യോഗിക ഉത്തരവ് പുറപ്പെടുവിച്ചത്. ജൂൺ 15 തിങ്കളാഴ്ച അവധിയായതിനാൽ വെള്ളി, ശനി, ഞായർ വാരാന്ത്യ അവധികൾക്ക് തൊട്ടുപിന്നാലെ വരുന്നതിനാൽ ഇത്തവണ മൂന്ന് ദിവസത്തെ അവധി ദുബായിലെ ഭൂരിഭാഗം സർക്കാർ ജീവനക്കാർക്കും ലഭിക്കും.

അധികൃതർ നൽകിയ നിർദേശം അനുസരിച്ച് ജൂൺ 15 തിങ്കളാഴ്ച ദുബായിലെ എല്ലാ സർക്കാർ അധികാരികൾക്കും വകുപ്പുകൾക്കും പൊതുമേഖലാ സ്ഥാപനങ്ങൾക്കും അവധിയായിരിക്കും. ഇസ്ലാമിക കലണ്ടറിലെ പുതുവർഷാരംഭത്തെ വരവേൽക്കുന്നതിന് വേണ്ടി വർഷങ്ങളായി ഈ ദിവസം പൊതുഅവധി നൽകാറുണ്ട്.


പ്രവൃത്തി സമയം പുനരാരംഭിക്കുന്നത് എന്ന്?
ഈ അവധിക്ക് ശേഷം യുഎഇയിലെ ഔദ്യോഗിക പ്രവൃത്തി സമയം ജൂൺ 16 ചൊവ്വാഴ്ച മുതൽ ആരംഭിക്കും. എല്ലാ സർക്കാർ ഓഫിസുകളും ചൊവ്വാഴ്ച പതിവുപോലെ പ്രവർത്തനം പുനരാരംഭിക്കും. അതിനാൽ തന്നെ ചൊവ്വാഴ്ച മുതൽ പൊതുജനങ്ങൾക്ക് എല്ലാ സർക്കാർ സേവനങ്ങളും സാധാരണ നിലയിൽ ലഭ്യമാകും.

ആർക്കൊക്കെ അവധി ബാധകം
കൂടാതെ ഇസ്ലാമിക പുതുവത്സര അവധി പ്രഖ്യാപിച്ചിട്ടുണ്ടെങ്കിലും ദുബായിലെ എല്ലാ സ്ഥാപനങ്ങൾക്കും ഈ അവധി ലഭിക്കണമെന്നില്ല. പൊതുജനങ്ങളുടെ ദൈനംദിന ജീവിതത്തെയും സുരക്ഷയെയും ബാധിക്കാതിരിക്കാൻ ചില പ്രത്യേക വിഭാഗങ്ങളെ ഈ അവധിയിൽ നിന്നും ഒഴിവാക്കിയിട്ടുണ്ട്.

അതിനാൽ 24 മണിക്കൂറും തുടർച്ചയായി ജോലി ചെയ്യേണ്ടി വരുന്ന സ്ഥാപനങ്ങളിലെ ജീവനക്കാർക്ക് ഈ അവധി ദിവസം സാധാരണ പോലെ ജോലിക്ക് കയറണം. അടിയന്തര സേവനങ്ങൾ, ആരോഗ്യ പരിപാലന മേഖലകൾ, സുരക്ഷാ ഏജൻസികൾ തുടങ്ങിയ മേഖലയ്ക്കും അവധി ബാധകമല്ല.