വിസ കാലാവധി കഴിഞ്ഞോ? സൗദിയുടെ കനത്ത മുന്നറിയിപ്പ് അര ലക്ഷം റിയാൽ പിഴയും കൂടാതെ തടവും പ്രവാസികൾ ശ്രദ്ധിക്കൂ
14 JULY 2026 08:10 PM IST
മലയാളി വാര്‍ത്ത
രാജ്യത്തെ താമസ, തൊഴിൽ, അതിർത്തി സുരക്ഷാ നിയമങ്ങൾ കൂടുതൽ കർശനമായി നടപ്പാക്കുന്നതിെൻറ ഭാഗമായാണ് നിലവിലുള്ള ശിക്ഷാ നടപടികളെക്കുറിച്ച് അധികൃതർ വീണ്ടും ജാഗ്രതാ നിർദേശം നൽകിയിരിക്കുന്നത്.
സൗദിയിലെത്തുന്ന പ്രവാസികളുടെ വിസാ കാലാവധി കഴിഞ്ഞിട്ടും നിയമപ്രകാരം റിക്രൂട്ട് ചെയ്യപ്പെട്ടവരുടെ യാത്രാവിവരങ്ങൾ യഥാസമയം അധികൃതരെ അറിയിക്കാത്ത സ്പോൺസർമാർക്കെതിരെയും കടുത്ത നടപടിയുണ്ടാകുമെന്ന് പൊതുസുരക്ഷാ വകുപ്പ് മുന്നറിയിപ്പ് നൽകിയിട്ടുണ്ട്. രാജ്യത്തെ താമസം, തൊഴിൽ, അതിർത്തി സുരക്ഷാ ചട്ടങ്ങൾ ലംഘിക്കുന്നവരെ കണ്ടെത്തുന്നതിനായി പൊതുജനങ്ങളുടെ സഹകരണവും മന്ത്രാലയം തേടിയിട്ടുണ്ട്.
നിയമലംഘകരെക്കുറിച്ചുള്ള വിവരങ്ങൾ മക്ക, മദീന, റിയാദ്, കിഴക്കൻ പ്രവിശ്യ എന്നിവടങ്ങളിലുള്ളവർ 911 എന്ന നമ്പറിലും, രാജ്യത്തിെൻറ മറ്റു ഭാഗങ്ങളിലുള്ളവർ 999 എന്ന നമ്പറിലും ബന്ധപ്പെട്ട് അധികൃതരെ അറിയിക്കേണ്ടതാണ്.
‘നിയമലംഘകരില്ലാത്ത രാജ്യം’ എന്ന ലക്ഷ്യത്തോടെ സൗദി അറേബ്യയിലുടനീളം നടപ്പാക്കിവരുന്ന വിപുലമായ സുരക്ഷാ കാമ്പയിെൻറ ഭാഗമായാണ് ആഭ്യന്തര മന്ത്രാലയം ഈ കർശന നിർദേശങ്ങൾ പുറപ്പെടുവിച്ചിട്ടുള്ളത്.
സൗദി അറേബ്യ അനുവദിക്കുന്ന വിസയുടെ കാലാവധി ഓരോ വിസയുടെയും തരമനുസരിച്ച് വ്യത്യാസപ്പെട്ടിരിക്കുന്നു. ടൂറിസ്റ്റ് വിസയ്ക്ക് 1 വർഷം വരെയും (ഒരു വർഷം കാലാവധിയുള്ള മൾട്ടിപ്പിൾ എൻട്രി വിസ), പരമാവധി 90 ദിവസം വരെ തുടരാനും അനുവാദമുണ്ട്. ബിസിനസ്സ് വിസകൾ 1 മുതൽ 5 വർഷം വരെ സാധുതയുള്ളതാണ്. തൊഴിൽ വിസകൾ സാധാരണയായി ഒരു വർഷത്തേക്ക് അനുവദിക്കുന്നു.
വിവിധ വിസകളുടെ വിശദാംശങ്ങൾ ഇങ്ങനെയാണ്
ടൂറിസ്റ്റ് ഇ-വിസ (Tourist eVisa): 1 വർഷം സാധുതയുള്ള മൾട്ടിപ്പിൾ എൻട്രി വിസയാണിത്. ഒരു തവണ പ്രവേശിച്ചാൽ പരമാവധി 90 ദിവസം വരെ രാജ്യത്ത് തങ്ങാം.
ബിസിനസ്സ് വിസ (Business Visa): സാധാരണയായി 1 വർഷം വരെ സാധുതയുള്ളതും (ചില സാഹചര്യങ്ങളിൽ 5 വർഷം വരെ), സിംഗിൾ അല്ലെങ്കിൽ മൾട്ടിപ്പിൾ എൻട്രിയോടെ നൽകപ്പെടുന്നതുമാണ്.
തൊഴിൽ വിസ (Work Visa): സാധാരണയായി 1 വർഷത്തേക്ക് അനുവദിക്കുന്നതും സ്പോൺസറുടെ കീഴിൽ ഇഖാമ (താമസാനുമതി രേഖ) ലഭിക്കുന്നതുമായ വിസയാണിത്.
സന്ദർശക വിസ (Visit Visa): വ്യക്തിഗത ആവശ്യങ്ങൾക്കോ കുടുംബത്തെ സന്ദർശിക്കാനോ നൽകപ്പെടുന്ന വിസകൾ സാധാരണയായി 30 മുതൽ 90 ദിവസം വരെ കാലാവധിയുള്ളതാണ്.
വിസയുടെ കാലാവധി അവസാനിച്ചതിന് ശേഷവും രാജ്യത്ത് തുടരുന്നത് ഗുരുതരമായ നിയമലംഘനമാണ്. കാലാവധി കഴിഞ്ഞിട്ടും തിരിച്ചുപോകാത്ത വിദേശികൾക്ക് 50,000 സൗദി റിയാൽ വരെ പിഴയും, ആറ് മാസം വരെ തടവും, നാടുകടത്തലും ഉൾപ്പെടെയുള്ള കർശന ശിക്ഷാ നടപടികൾ സൗദി ആഭ്യന്തര മന്ത്രാലയം നടപ്പിലാക്കുന്നുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
