യുഎഇയിലേക്ക് യാത്ര ചെയ്യുന്ന പ്രവാസികളും വിനോദസഞ്ചാരികളും തങ്ങളുടെ ലഗേജുകൾ പാക്ക് ചെയ്യുമ്പോൾ പ്രത്യേക ശ്രദ്ധ വേണമെന്ന് വിമാനത്താവള അധികൃതരും കസ്റ്റംസും മുന്നറിയിപ്പ് നൽകി. സാധാരണ നമ്മൾ കരുതുന്ന പല  സാധനങ്ങളും വിമാനത്താവളങ്ങളിലെ സുരക്ഷാ പരിശോധനയിൽ പിടിച്ചെടുക്കപ്പെടാനും ചിലപ്പോൾ നിയമനടപടികൾ നേരിടാനും കാരണമായേക്കാം. ദുബായ്, അബുദാബി, ഷാർജ വിമാനത്താവളങ്ങൾ പുറപ്പെടുവിച്ച പ്രധാന നിരോധനങ്ങളുടെ പട്ടിക താഴെ നൽകുന്നു.

കയ്യിൽ കരുതുന്ന ലഗേജിൽ വിലക്കുള്ളവ
ഹാൻഡ് ലഗേജിൽ ആയുധമായി ഉപയോഗിക്കാൻ സാധ്യതയുള്ളതെന്ന കാരണത്താൽ ചില സാധാരണ സാധനങ്ങൾക്ക് വിലക്കുണ്ട്.

ടേപ്പ് അളവുകൾ: അളവെടുക്കുന്ന ടേപ്പുകൾ ഹാൻഡ് ലഗേജിൽ കരുതാൻ പാടില്ല.
കായിക ഉപകരണങ്ങൾ: ക്രിക്കറ്റ് ബാറ്റ്, സ്കേറ്റ് ബോർഡ്, ഫിഷിംഗ് റോഡ് (ചൂണ്ട) തുടങ്ങിയവ ക്യാബിൻ ലഗേജിൽ നിരോധിച്ചിരിക്കുന്നു.

കളിപ്പാട്ടങ്ങൾ: തോക്കിന് സമാനമായ കളിപ്പാട്ടങ്ങൾ അമ്പും വില്ലും, ഡാർട്ടുകൾ എന്നിവ ഹാൻഡ് ലഗേജിൽ കണ്ടാൽ സെക്യൂരിറ്റി വിഭാഗം പിടിച്ചെടുക്കും.
 
സ്ക്രൂഡ്രൈവർ, ഹാമർ, പ്ലെയർ തുടങ്ങിയ പണിആയുധങ്ങൾ ഉണ്ടാകരുത്

 പോപ്പി വിത്തുകൾ: ഇന്ത്യൻ അടുക്കളകളിൽ സർവ്വസാധാരണമായി ഉപയോഗിക്കുന്ന പോപ്പി വിത്തുകൾ യുഎഇയിൽ പൂർണ നിരോധനമുണ്ട്. ലഹരിമരുന്നുകളുടെ പട്ടികയിലാണ് ഇത് ഉൾപ്പെടുത്തിയിരിക്കുന്നത്. ഭക്ഷണത്തിൽ ചേർത്ത രൂപത്തിലായാൽ പോലും പോപ്പി വിത്തുകൾ കൊണ്ടുവരുന്നത് ഗുരുതരമായ കുറ്റകൃത്യമാണ്.

പന്നിയിറച്ചി ഉൽപ്പന്നങ്ങൾ: പന്നിയിറച്ചിയും അതുകൊണ്ടുണ്ടാക്കുന്ന ലാർഡ്, ജെലാറ്റിൻ, ബേക്കൺ തുടങ്ങിയ ഉൽപ്പന്നങ്ങളും കസ്റ്റംസ് വഴി രാജ്യത്തേക്ക് കടത്താൻ അനുവാദമില്ല.

ചെക്ക്-ഇൻ ലഗേജിൽ ലിഥിയം-അയൺ ബാറ്ററികൾ ഉള്ള പവർ ബാങ്കുകൾ വലിയ പെട്ടിയിൽ വെക്കരുത് (ഇവ കൈയിലെ ബാഗിൽ വെക്കാം).ലൂസ് ബാറ്ററികൾ: ക്യാമറയുടെയോ മറ്റോ അധിക ബാറ്ററികൾ. സ്വർണം, പണം, പ്രധാനപ്പെട്ട ആധാരങ്ങൾ, ലാപ്ടോപ്പ് എന്നിവ വലിയ പെട്ടിയിൽ വെക്കരുത്.ഇലക്ട്രോണിക് സിഗരറ്റുകൾ: ഇ-സിഗരറ്റുകൾ വലിയ പെട്ടിയിൽ പൂർണ്ണമായും നിരോധിച്ചിരിക്കുന്നു.  ലൈറ്റർ, തീപ്പെട്ടി, പെയിന്റ്, തിന്നർ, ഗ്യാസ് സിലിണ്ടറുകൾ.രാസവസ്തുക്കൾ: ബ്ലീച്ച്, ആസിഡ്, പെറോക്സൈഡ് എന്നിവ.പൊട്ടിത്തെറിക്കുന്ന പടക്കങ്ങൾ, വെടിമരുന്ന് എന്നിവ പാടില്ല . കീടനാശിനികൾ, മാരകമായ കെമിക്കലുകൾ എന്നിവ ഉണ്ടാകരുത്

 ദുർഗന്ധമുള്ള പഴങ്ങൾക്ക് വിലക്ക്

ഇത്തിഹാദ് എയർവേസ് ഉൾപ്പെടെയുള്ള ചില വിമാനക്കമ്പനികൾ കടുത്ത മണമുള്ള ചില പഴങ്ങൾക്ക് വിലക്കേർപ്പെടുത്തിയിട്ടുണ്ട്. ചക്ക, ദുരിയാൻ, ചമ്പടക് തുടങ്ങിയ പഴങ്ങൾ വിമാനത്തിൽ കൊണ്ടുപോകാൻ പാടില്ല.

മരുന്നുകളും ലഹരി വസ്തുക്കളും

മറ്റ് രാജ്യങ്ങളിൽ നിയമവിധേയമായ പല മരുന്നുകളും യുഎഇയിൽ നിയന്ത്രിത വസ്തുക്കളാണ്. ഡോക്ടറുടെ വ്യക്തമായ പ്രിസ്ക്രിപ്ഷൻ ഇല്ലാത്തതും ലഹരി/സൈക്കോട്രോപിക് ഗണത്തിൽപ്പെടുന്നതുമായ മരുന്നുകൾക്ക് പ്രത്യേക അനുമതി ആവശ്യമാണ്. കഞ്ചാവ്, സിബിഡി ഓയിലുകൾ എന്നിവ രാജ്യത്ത് പൂർണമായും നിരോധിച്ചിരിക്കുന്നു.

മൂർച്ചയുള്ള വസ്തുക്കൾ: കത്രിക, ബ്ലേഡ്, കത്തി, നഖം വെട്ടി (Nail cutter) എന്നിവ.ദ്രാവകങ്ങൾ (Liquids): 100 മില്ലി ലിറ്ററിൽ കൂടുതൽ അളവിലുള്ള പെർഫ്യൂം, ലോഷൻ, എണ്ണകൾ, പാനീയങ്ങൾ എന്നിവ പാടില്ല.

പ്രധാന വിമാനത്താവളങ്ങളിലെ മറ്റ് നിരോധിത വസ്തുക്കൾ

ദുബായ് എയർപോർട്ട്: ലഹരിമരുന്നുകൾ, ചൂതാട്ട ഉപകരണങ്ങൾ, അനുമതിയില്ലാത്ത പുസ്തകങ്ങൾ/ചിത്രങ്ങൾ, വ്യാജ കറൻസികൾ, ആനക്കൊമ്പ് തുടങ്ങിയവ.

ഷാർജ എയർപോർട്ട്: 6 സെന്‍റീമീറ്റ‍ർ കൂടുതൽ നീളമുള്ള കത്തികൾ, സിസർ, പടക്കങ്ങൾ, കംപ്രസ്ഡ് ഓക്സിജൻ സിലിണ്ടറുകൾ, അണയ്ക്കുന്നതിനുള്ള ഫയർ എക്സ്റ്റിംഗുഷറുകൾ.

അബുദാബി എയർപോർട്ട്: തീപിടിക്കാൻ സാധ്യതയുള്ള ദ്രാവകങ്ങൾ, വിഷവസ്തുക്കൾ, കെമിക്കലുകൾ, വ്യാജ ആയുധങ്ങൾ.