പാലാ പൂവരണയില് ഒരു കുടുംബത്തിലെ അഞ്ച് പേരെ മരിച്ച നിലയില് കണ്ടെത്തി... ഭാര്യയെയും മക്കളെയും കൊലപ്പെടുത്തി ഭര്ത്താവ് ആത്മഹത്യ ചെയ്തത് ആകാമെന്നാണ് പ്രാഥമിക നിഗമനം
പാലാ പൂവരണയില് ഒരു കുടുംബത്തിലെ അഞ്ച് പേരെ മരിച്ച നിലയില് കണ്ടെത്തി. ഭാര്യയെയും മക്കളെയും കൊലപ്പെടുത്തി ഭര്ത്താവ് ആത്മഹത്യ ചെയ്തത് ആകാമെന്നാണ് പ്രാഥമിക നിഗമനം. അച്ഛനും അമ്മയും മൂന്ന് കുട്ടികളുമാണ് മരിച്ചത്.
ഇവര് പൂവരണി കൊച്ചുകൊട്ടാരം ഭാഗത്ത് വാടകയ്ക്ക് താമസിക്കുകയായിരുന്നു .അകലകുന്നം ഞണ്ടുപാറ സ്വദേശി ജയ്സണ് തോമസാണ് മരിച്ച ഗൃഹനാഥന്. പൂവരണിയില് ഇവര് വാടകയ്ക്ക് താമസിക്കുന്ന വീടിനുള്ളില് കട്ടിലില് മുറിവുകളോടെ രക്തം വാര്ന്ന നിലയിലായിരുന്നു ഭാര്യയുടെയും കുഞ്ഞുങ്ങളുടെയും മൃതദേഹം കാണപ്പെട്ടത്.
ഭാര്യയെയും ചെറിയ കുട്ടിയടക്കം മൂന്ന് കുട്ടികളെയും വെട്ടിയോ കുത്തിയോ കൊന്ന ശേഷം ജയ്സണ് തൂങ്ങിമരിച്ചത് ആണെന്നാണ് പൊലീസിന്റെ പ്രാഥമിക നിഗമനത്തിലുള്ളത്.എന്നാല് എന്താണ് ഇത്രയും ദാരുണമായ നിലയിലേക്ക് ഇവരെ എത്തിച്ചത് എന്നത് വ്യക്തമായിട്ടില്ല.
ഒരു റബര് ഫാക്ടറിയില് ഡ്രൈവറാണ് ജയ്സണ് തോമസ് എന്നാണ് സൂചന. ഇവര് പൂവരണിയില് താമസമാക്കിയിട്ട് ഒരു വര്ഷമായിട്ടേയുള്ളൂ. അതുകൊണ്ട് തന്നെ പരിമിതമായ വിവരങ്ങളേ ഇവരെ കുറിച്ച്അയല്ക്കാര്ക്കും അറിയുകയുള്ളൂ . പൊലീസ് നടപടികള് തുടരുന്നു .അന്വേഷണവും തുടങ്ങി.
https://www.facebook.com/Malayalivartha
