കനത്ത മഴയെ തുടര്ന്ന് പാലക്കാട് ജില്ലയിലും അവധി പ്രഖ്യാപിച്ചു
കനത്ത മഴയെ തുടര്ന്ന് പാലക്കാട് ജില്ലയിലും അവധി പ്രഖ്യാപിച്ചു. കാലവര്ഷത്തിന്റെയും മഴക്കെടുതികളുടെയും പശ്ചാത്തലത്തില് പാലക്കാട് ജില്ലയിലെ പ്രൊഫഷണല് കോളേജുകള്, അങ്കണവാടികള്, കിന്റര് ഗാര്ട്ടന്, മദ്രസ്സ, ട്യൂഷന് സെന്റര് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും 19.07.2024 ന് ജില്ലാ കലക്ടര് അവധി പ്രഖ്യാപിച്ചു.
ഇതോടെ സംസ്ഥാനത്തെ 4 ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് കളക്ടര് അവധി പ്രഖ്യാപിച്ചിരിക്കുന്നത്. പാലക്കാട് ജില്ലയില് മുന്കൂട്ടി നിശ്ചയിച്ച പൊതു പരീക്ഷകള്ക്കും റസിഡന്ഷ്യല് രീതിയില് പഠനം നടത്തുന്ന മോഡല് റസിഡന്ഷ്യല് സ്കൂളുകള്ക്കും നവോദയ വിദ്യാലയത്തിനും അവധി ബാധകമല്ല.
കുട്ടികള് തടയണകളിലും പുഴകളിലും ഇറങ്ങാതെ വീട്ടില് തന്നെ സുരക്ഷിതമായി ഇരിക്കാന് ശ്രദ്ധിക്കേണ്ടതാണ്. മേഖല, ജില്ലാതലങ്ങളില് മുന്കൂട്ടി നിശ്ചയിച്ച പാഠ്യ, പാഠ്യേതര പരിപാടികള് നടത്തുന്നുണ്ടെങ്കില് സംഘാടകര് ഔദ്യോഗികാനുമതി വാങ്ങേണ്ടതും വിദ്യാര്ത്ഥികളുടെ പൂര്ണ്ണ സുരക്ഷിതത്വം ഉറപ്പാക്കേണ്ടതുമാണ്.
കനത്ത മഴ തുടരുന്ന സാഹര്യത്തില് കണ്ണൂര്, കാസര്കോട്, വയനാട്, പാലക്കാട് ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് നാളെ അവധി. കണ്ണൂരിലും വയനാടും പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കുമാണ് അവധി.
കാസര്കോട് പ്രൊഫഷണല് കോളേജുകള് ഒഴികെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിട്ടുള്ളത്. കാസര്കോട്, കണ്ണൂര്, വയനാട് ജില്ലകളില് അതിതീവ്ര മഴ തുടരുന്നതിനാല് ഇന്ന് റെഡ് അലര്ട്ട് മുന്നറിയിപ്പാണുള്ളത്.
https://www.facebook.com/Malayalivartha
