ഗെ​യി​ൽ വാ​ത​ക പൈ​പ്പ് ലൈ​നി​നെ​തി​രേ മു​ക്ക​ത്ത് ന​ട​ന്നു​വ​രു​ന്ന സ​മ​ര​ത്തി​ൽ വീണ്ടും സം​ഘ​ർ​ഷം. ക​സ്റ്റ​ഡി​യി​ലെ​ടു​ത്ത പ്ര​വ​ർ​ത്ത​ക​രെ വി​ട്ടു​കി​ട്ട​ണ​മെ​ന്നാ​വ​ശ്യ​പ്പെ​ട്ട് പോ​ലീ​സ് സേ​റ്റേ​ഷ​നു മു​ന്നി​ൽ ത​ടി​ച്ചു​കൂ​ടി​യ സ​മ​ര​ക്കാ​രെ പി​രി​ച്ചു​വി​ടാ​ൻ പോ​ലീ​സ് ലാ​ത്തി​ച്ചാ​ർ​ജ് നടത്തി. ലാ​ത്തി​ച്ചാ​ർ​ജി​ൽ നി​ര​വ​ധി സ​മ​ര​ക്കാ​ർ​ക്ക് പ​രി​ക്കേ​റ്റു.

പോലീസ് സ്റ്റേഷന് മുന്നിൽ തടിച്ചുകൂടിയ ആ​ൾ​കൂ​ട്ട​ത്തി​നി​ട​യി​ലൂ​ടെ​ പോ​ലീ​സ് വാ​ഹ​ന​ങ്ങ​ൾ ക​ട​ന്നു​പോ​കാ​ൻ ശ്ര​മി​ച്ച​പ്പോ​ൾ സ​മ​ര​ക്കാ​ർ ത​ട​യാ​ൻ ശ്ര​മി​ച്ച​താ​ണ് പോ​ലീ​സ് ന​ട​പ​ടി​ക്ക് ഇ​ട​യാ​ക്കി​യ​ത്. സം​ഘ​ർ​ഷം ക​ന​ത്ത​തോ​ടെ പോ​ലീ​സ് ഗ്ര​നേ​ഡ് പ്ര​യോ​ഗി​ച്ചു. സ​മ​ര​ക്കാ​ർ പോ​ലീ​സി​നു നേ​രെ ക​ല്ലേ​റും ന​ട​ത്തി. ക​ല്ലേ​റി​ൽ മാ​ധ്യ​മ​പ്ര​വ​ർ​ത്ത​ക​ർ​ക്കും പ​രി​ക്കേ​റ്റു. സ്ഥ​ല​ത്ത് സം​ഘ​ർ​ഷം നി​ല​നി​ൽ​ക്കു​ക​യാ​ണ്.

ഇ​ന്ന് രാ​വി​ലെ വ​ൻ പോ​ലീ​സ് സാ​ന്നി​ധ്യ​ത്തി​ൽ ഗെ​യി​ൽ അ​ധി​കൃ​ത​ർ എ​ത്തി​യ​പ്പോ​ൾ സ​മ​ര​ക്കാ​ർ ത​ട​ഞ്ഞി​രു​ന്നു. ഇതേത്തുടർന്നാണ് സംഘർഷം ആരംഭിച്ചത്. തു​ട​ർ​ന്ന് പോ​ലീ​സ് ലാ​ത്തി​വീ​ശി സ​മ​ര​ക്കാ​രെ ഓ​ടി​ക്കു​ക​യാ​യി​രു​ന്നു. ലാ​ത്തി ചാ​ർ​ജി​ൽ നി​ര​വ​ധി പേ​ർ​ക്ക് പ​രി​ക്കേ​റ്റിരുന്നു. സ​മ​ര​ക്കാ​രെ പോ​ലീ​സ് അ​റ​സ്റ്റ് ചെ​യ്തു നീ​ക്കുകയും ചെയ്തിരുന്നു.