ഡിസംബര്‍ ഒന്നിന് കേരള സര്‍ക്കാര്‍ പൊതു അവധി പ്രഖ്യാപിച്ചെന്ന തരത്തില്‍ പ്രചരിക്കുന്നത് വ്യാജവാര്‍ത്ത. ഡിസംബര്‍ ഒന്നിനു പൊതു അവധി പ്രഖ്യാപിച്ചിട്ടില്ലെന്നു മുഖ്യമന്ത്രിയുടെ ഓഫിസ് അറിയിച്ചു.

നബിദിനം പ്രമാണിച്ച് ഒന്നാം തിയതി സര്‍ക്കാര്‍ അവധി പ്രഖ്യാപിച്ചതെന്നായിരുന്നു വ്യാജ വാര്‍ത്തകളില്‍ പറഞ്ഞിരുന്നത്. അന്നേ ദിവസം എംജി സര്‍വകലാശാല നടത്താന്‍ നിശ്ചയിച്ചിരുന്ന പരീക്ഷകള്‍ മാറ്റിയതായും പ്രചരണമുണ്ടായിരുന്നു.

ഇത് സംബന്ധിച്ച് ഏറെ സംശയങ്ങള്‍ ഉയര്‍ന്നപ്പോഴാണു സര്‍ക്കാര്‍ വിശദീകരണവുമായി രംഗത്തെത്തുന്നത്.