ഉത്തര്പ്രദേശില് 13കാരന് ആത്മഹത്യ ചെയതു, ബ്ലൂവെയ്ല് എന്ന് സംശയം, കളി അച്ഛന്റെ ഫോണില്
മരണക്കളിയില് പെട്ട് ഉത്തര്പ്രദേശില് ഒരു ജീവന് കൂടി പൊലിഞ്ഞു. യുപി ഹാമിര്പുര് ജില്ലയിലെ മൗദാ ഗ്രാമവാസിയായ ആറാം ക്ലാസ് വിദ്യാര്ഥി പാര്ഥ് സിങ്ങെന്ന പതിമൂന്നുകാരനെയാണു ഞായറാഴ്ച കിടപ്പുമുറിയില് തൂങ്ങിമരിച്ച നിലയില് കണ്ടെത്തിയത്. പാര്ഥിന്റെ ആത്മഹത്യയ്ക്കു പിന്നില് ബ്ലൂ വെയ്ല് ഓണ്ലൈന് ഗെയിമിന്റെ സ്വാധീനമെന്നു സംശയമുയര്ന്നിട്ടുണ്ട്.
ദിവസങ്ങളായി മകന് ബ്ലൂ വെയ്ല് ഗെയിം കളിക്കാറുണ്ടായിരുന്നെന്നു പാര്ഥിന്റെ മാതാപിതാക്കള് പറയുന്നു. അച്ഛന് വിക്രം സിങ്ങിന്റെ ഫോണിലായിരുന്നു പാര്ഥിന്റെ കളി. ഞായറാഴ്ച വിക്രം സിങ് സുഹൃത്തിന്റെ പിറന്നാള് ആഘോഷത്തില് പങ്കെടുക്കാന് പോയ തക്കത്തിനു പാര്ഥ് മൊബൈല് ഫോണുമെടുത്ത് സ്വന്തം മുറിയിലേക്കു പോയി. വിക്രം സിങ് തിരികെയെത്തിയപ്പോള് മകനെ തൂങ്ങിമരിച്ച നിലയില് കണ്ടെത്തുകയായിരുന്നു. നേരത്തെ കേരളത്തിലുണ്ടായ രണ്ട് ആത്മഹത്യകള് ബ്ലൂവെയ്ല് കളിച്ചിട്ടാണെന്ന് ആരോപണങ്ങള് ഉയര്ന്നിരുന്നെങ്കിലും പോലീസ് ഇത് സ്ഥിരീകരിച്ചിട്ടില്ല.
https://www.facebook.com/Malayalivartha