കനത്ത പ്രളയത്തില് മുങ്ങിയ മുംബൈയെ ഞെട്ടിച്ചു കൊണ്ട് കെട്ടിട ദുരന്തം; തകര്ന്നത് 117 വര്ഷം പഴക്കമുള്ള കെട്ടിടം, മരണം 34 ആയി
കനത്ത പ്രളയത്തില് മുങ്ങിയ മുംബൈയെ ഞെട്ടിച്ചുകൊണ്ട് കെട്ടിട ദുരന്തം. കെട്ടിടം തകര്ന്നു വീണ് മരിച്ചവരുടെ എണ്ണം 34 ആയി. ദുരന്തത്തില് നിരവധി പേര്ക്ക് പരിക്കേറ്റതായാണ് പുറത്തുവരുന്ന വിവരം. മുംബൈയിലെ ഭണ്ഡി ബസാറില് ബഹുനില മന്ദിരം ഇടിഞ്ഞുവീണ് ദുരന്തം എത്തിയത്. നാലു പേരെ അവശിഷ്ടങ്ങള്ക്കിടയില് നിന്ന് രക്ഷപ്പെടുത്തിയിട്ടുണ്ട്. നിരവധി പേര് ഇപ്പോഴും കുടുങ്ങിക്കിടക്കുന്നുണ്ടെന്നാണ് റിപ്പോര്ട്ട്. രക്ഷാപ്രവര്ത്തനം തുടരുകയാണ്.
മൗലാന ഷൗക്കത്ത് അലി റോഡിലുള്ള അര്സിവാല കെട്ടിടമാണ് തകര്ന്നുവീണത്. 117 വര്ഷം പഴക്കമുള്ള മൂന്നു നില കെട്ടിടമാണ് തകര്ന്നത്. ഇവിടെ ഒന്പത് കുടുംബങ്ങള് താമസിക്കുന്നുണ്ടെന്നാണ് റിപ്പോര്ട്ട്. അടിനിലയില് ഒരു ബേക്കറിയും പ്രവര്ത്തിച്ചിരുന്നു. കുടുംബങ്ങളില് ഏറെയും മുകള് നിലയിലാണ് കഴിഞ്ഞിരുന്നത്. ഇന്നു പുലര്ച്ചെയാണ് കെട്ടിടം തകര്ന്നുവീണത്.
ദേശീയ ദുരന്ത നിവാരണ സേനയും അഗ്നിശമന സേനയും പോലീസും ചേര്ന്ന് രക്ഷാപ്രവര്ത്തനം ഊര്ജിതമാക്കുന്നുണ്ട്. ഇടുങ്ങിയ തെരുവായതിനാല് രക്ഷാപ്രവര്ത്തനത്തിന് തടസ്സമാകുന്നുണ്ട്. കെട്ടിടത്തിന്റെ കാലപ്പഴക്കവും, ശക്തമായ തുടരുന്ന കനത്ത മഴയുമാണ് അപകടകാരണമെന്നാണ് വിലയിരുത്തല്.
https://www.facebook.com/Malayalivartha