കേന്ദ്രമന്ദ്രിസഭാ പുനഃസംഘടന ഞായറാഴ്ച; തൊഴിൽ മന്ത്രി ബന്ദാരു ദത്താത്രേയയും രാജിവച്ചു
കേന്ദ്ര മന്ത്രിസഭയിൽനിന്നു കൂട്ടരാജി തുടരുന്നു. തൊഴിൽമന്ത്രി ബന്ദാരു ദത്താത്രേയയും കാബിനറ്റിൽനിന്നു രാജിവച്ചു. ഞായറാഴ്ച നടക്കാനിരിക്കുന്ന മന്ത്രിസഭാ പുനഃസംഘടനയുടെ ഭാഗമായാണ് രാജി. അഞ്ചു കേന്ദ്രമന്ത്രിമാർ നേരത്തെതന്നെ സ്ഥാനമൊഴിഞ്ഞിരുന്നു. ജലവിഭവ മന്ത്രി ഉമാ ഭാരതി, നൈപുണ്യവികസന മന്ത്രി രാജീവ് പ്രതാപ് റൂഡി, രാധാ മോഹൻ സിംഗ്, ഗിരിരാജ് സിംഗ്, ഫഗൻ സിംഗ് കുലസ്സെ, സജ്ഞീവ് ബല്യാൻ, മഹീന്ദ്രനാഥ് പാണ്ഡെ എന്നിവരാണ് രാജിവച്ചത്.
റെയിൽവേ മന്ത്രി സുരേഷ് പ്രഭു, സഹമന്ത്രി കൽരാജ് മിശ്ര എന്നിവരും രാജി സന്നദ്ധത അറിയിച്ചിട്ടുണ്ട്. തുടർച്ചയായ അപകടങ്ങളുടെ പശ്ചാത്തലത്തിലാണു സുരേഷ് പ്രഭു രാജിസന്നദ്ധത അറിയിച്ചത്. പ്രതിരോധ വകുപ്പിന്റെ അധിക ചുമതലകൂടി വഹിക്കുന്ന ധനമന്ത്രി അരുണ് ജയ്റ്റ്ലിയിൽനിന്ന് ഒരു വകുപ്പ് എടുത്തുമാറ്റും.
https://www.facebook.com/Malayalivartha