കാഷ്മീരിൽ സംഘർഷം; സൈന്യത്തിനു നേരെ അക്രമം
ജമ്മുകാഷ്മീരിൽ ഒരിടവേളയ്ക്കു ശേഷം വീണ്ടും യുവാക്കളും സുരക്ഷാസേനയും തമ്മിൽ സംഘർഷം. കാഷ്മീർ താഴ്വരയിൽ ഈദ് പ്രാർഥനകൾക്കു ശേഷമാണ് സംഘർഷം പൊട്ടിപ്പുറപ്പെട്ടത്. ശ്രീനഗർ, അനന്ദ്നാഗ്, സോപോര എന്നിവിടങ്ങളിലായിരുന്നു സംഘർഷം. പ്രദേശത്ത് സുരക്ഷയ്ക്കായി നിയോഗിച്ചിരുന്ന സൈനികർക്ക് നേരെ യുവാക്കൾ കല്ലേറു നടത്തുകയായിരുന്നു.
സുരക്ഷാ സേന പ്രതിഷേധക്കാർക്കു നേരെ കണ്ണീർവാതകം പ്രയോഗിച്ചു. സംഭവത്തിൽ ആർക്കും പരിക്കേറ്റതായി റിപ്പോർട്ടില്ല. കഴിഞ്ഞ ദിവസം ജമ്മുകാഷ്മീർ ലിബറേഷൻ ഫ്രണ്ട് മേധാവി യാസിൻ മാലിക്കിനെ പോലീസ് അറസ്റ്റ് ചെയ്തിരുന്നു. ഹുറിയത്ത് കോൺഫ്രൻസ് നേതാവ് സയിദ് അലി ഷ ഗിലാനി, മിർവായിസ് ഉമർ ഫാറൂഖ് എന്നിവരെ ശനിയാഴ്ച രാവിലെ മുതൽ വീട്ട് തടങ്കലിലാക്കിയിരിക്കുകയുമാണ്.
https://www.facebook.com/Malayalivartha