കേന്ദ്ര മന്ത്രിസഭയുടെ നിർണായക പുനഃസംഘടനയ്ക്കു പിന്നാലെ പ്രധാനമന്ത്രി നരേന്ദ്ര മോദി ചൈനയ്ക്ക് പുറപ്പെട്ടു. ഷിയാമെനിൽ ഇന്ന് ആരംഭിക്കുന്ന ഒൻപതാമത് ബ്രിക്സ് ഉച്ചകോടിയിൽ പങ്കെടുക്കുന്നതിനായാണ് അദ്ദേഹം ചൈനയ്ക്ക് തരിച്ചത്. 

ബ്രസീൽ, ചൈന, റഷ്യ, ദക്ഷിണാഫ്രിക്ക എന്നീ രാജ്യങ്ങൾക്കു പുറമേ തായ്‌ലൻഡ്, മെക്സിക്കോ, ഈജിപ്ത് എന്നീ രാജ്യങ്ങളും ഉച്ചകോടിയിൽ പങ്കെടുക്കുന്നുണ്ട്. ഡോക്‌ലാ തർക്കം പരിഹരിച്ചതിനു പിന്നാലെ നടക്കുന്ന ഉച്ചകോടിക്കിടെ മോദിയും ചൈനീസ് പ്രസിഡന്‍റ് ഷീ ജിൻ പിംഗും തമ്മിൽ കൂടിക്കാഴ്ച നടത്തുമോ എന്നാണ് ലോകജനത ഉറ്റു നോക്കുന്നത്.