കേരളീയർ ബീഫ് കഴിക്കുന്നത് തുടരും; അൽഫോൻസ് കണ്ണന്താനം
കേന്ദ്ര സഹമന്ത്രിയായി സ്ഥാനമേറ്റ അൽഫോൻസ് ബീഫ് വിഷയത്തില്‍ അഭിപ്രായപ്രകടനവുമായി രംഗത്ത്. കേരളീയര്‍ തുടര്‍ന്നും ബീഫ് കഴിക്കുമെന്നും അതില്‍ ബി.ജെ.പിക്ക് യാതൊരു പ്രശ്‌നവുമില്ലെന്നും അദ്ദേഹം വ്യക്തമാക്കി . ബീഫ് കഴിക്കരുതെന്ന് ബി.ജെ.പി ആരോടും പറഞ്ഞിട്ടില്ലെന്നും കണ്ണന്താനം പറഞ്ഞു.
മുന്‍ പ്രതിരോധ മന്ത്രിയും ഗോവന്‍ മുഖ്യമന്ത്രിയുമായ മനോഹര്‍ പരീക്കര്‍ അവിടുള്ള ബീഫ് വിപണനം തുടരുമെന്ന് പറഞ്ഞിരുന്നു. അതേ രീതിയില്‍ കേരളീയരും തുടര്‍ന്നും ബീഫ് കഴിക്കുമെന്ന് കണ്ണന്താനം വ്യക്തമാക്കി. ആരുടെയും ഭക്ഷണശീലങ്ങളെ നിയന്ത്രിക്കാന്‍ ബി.ജെ.പി ആഗ്രഹിക്കുന്നുമില്ല. അത് ജനങ്ങളുടെ ഇഷ്ടമാണ്.
ബി.ജെ.പിക്കെതിരെ ക്രിസ്ത്യന്‍ സമൂഹം ഉന്നയിക്കുന്ന ആരോപണങ്ങള്‍ ചില പ്രത്യേക അജണ്ടകളുടെ ഭാഗമായി പ്രചരിപ്പിച്ചതാണെന്നും അദ്ദേഹം അഭിപ്രായപ്പെട്ടു. 2014ലും ഇതുപോലുള്ള പ്രചരണങ്ങള്‍ വ്യാപകമായിരുന്നു. മോദി അധികാരത്തില്‍ വന്നാല്‍ ഇന്ത്യയിലെ ക്രിസ്ത്യാനികളെ ചുട്ടെരിക്കുമെന്നും ക്രിസ്ത്യന്‍ പള്ളികള്‍ തകര്‍ക്കുമെന്നൊക്കെയായിരുന്നു പ്രചാരണങ്ങള്‍.
എന്നാല്‍ സംഭവിച്ചത് മറിച്ചാണെന്നും എല്ലാവരെയും ഒരുമിച്ചു കൊണ്ടുപോകുന്ന കാര്യത്തില്‍ അഭിനന്ദനാര്‍ഹമായ പ്രവര്‍ത്തനാണ് മോദി കാഴ്ചവച്ചിട്ടുള്ളതെന്നും കണ്ണന്താനം വ്യക്തമാക്കി. നിര്‍ബന്ധിക്കുകയില്ല. അത് ജനങ്ങള്‍ തീരുമാനിക്കും പോലെയാണെന്നും വ്യക്തമാക്കി
https://www.facebook.com/Malayalivartha
