നിര്‍മ്മാണത്തിലിരുന്ന കെട്ടിടത്തിലുണ്ടായ തീപിടിത്തത്തില്‍ അഞ്ച് തൊഴിലാളികളും ഒരു കുട്ടിയുമടക്കം ആറ് പേര്‍ മരിച്ചു. പതിനൊന്നു പേര്‍ക്ക് പരുക്കേറ്റു. പരിക്കേറ്റവരെ നഗരത്തിലെ ആര്‍ എന്‍ കൂപ്പര്‍ ആശുപത്രിയില്‍ പ്രവേശിപ്പിച്ചു. ജുഹുവില്‍ അര്‍ധ രാത്രിയോടെയാണ് അപകടമുണ്ടായത്.

മൃതദേഹങ്ങള്‍ തിരിച്ചറിയാനാവാത്തവിധം കത്തിനശിച്ചതായാണ് റിപ്പോര്‍ട്ട്. നാലു പേരെ കാണാതായിട്ടുണ്ടെന്നും പരാതി ലഭിച്ചിട്ടുണ്ട്. പശ്ചിമ ബംഗാളില്‍ നിന്നുള്ള തൊഴിലാളികളാണ് അപകടം പറ്റിയവരിലേറെയും. പരിക്കേറ്റവരില്‍ ഒന്‍പത് പുരുഷന്‍മാരും രണ്ട് സ്ത്രീകളും ഇവര്‍ക്ക് അറുപത് ശതമാനം പൊള്ളലേറ്റിട്ടുണ്ട്. ഇവര്‍ എല്ലാവരുടേയും നില ഗുരുതരമാണ്.

പാചകവാതക സിലിണ്ടര്‍ പൊട്ടിത്തെറിച്ചതാണ് അപകടകാരണമെന്ന് പ്രാഥമിക വിവരം. സ്ഥിതി നിയന്ത്രണവിധേയമാക്കിയെന്നു പൊലീസ് അറിയിച്ചു.