പ്രതിശ്രുത വധുവിനെ കാണാതായതായി പരാതി. കൊത്തിക്കാല്‍ ക്വാര്‍ട്ടേഴ്‌സില്‍ അബ്ദുര്‍ റസാഖിന്റെ മകള്‍ വിവാഹ നിശ്ചയം കഴിഞ്ഞ റാംസീനയെ(18) ആണു കാണാതായത്. കര്‍ണ്ണാടക കുടുകിലെ ഏടപ്പാലത്ത് മാതാവിന്റെ വീട്ടിലേയ്ക്കു പോകുന്നുവെന്നു പറഞ്ഞാണു റംസീന വീട്ടില്‍ നിന്ന് ഇറങ്ങിയത്.

എന്നാല്‍ റംസീന മാതാവിന്റെയോ മറ്റു ബന്ധുക്കളുടെയോ വീട്ടില്‍ എത്തിരുന്നില്ല. ഇതിനെ തുടര്‍ന്നു പോലീസില്‍ പരാതി നല്‍കുകയായിരുന്നു. കഴിഞ്ഞ മാസമാണു തലശേരിയിലെ യുവാവുമായി റംസീനയുടെ വിവാഹം നിശ്ചയിച്ചത്. പിതാവിന്റെ പരാതിയില്‍ ഹൊസ്ദുര്‍ഗ് പോലീസ് കേസ് എടുത്ത് അന്വേഷണം ആരംഭിച്ചു.