പ്രധാനമന്ത്രി നരേന്ദ്രമോദിയുടെയും യു.പി മുഖ്യമന്ത്രി യോഗിയുടെയും ചിത്രം വരച്ച പെൺകുട്ടിയെ ഭർത്താവ് വീട്ടിൽനിന്നും പുറത്താക്കി. ഉത്തര്‍പ്രദേശിലെ ബാലിയ ജില്ലയിലെ സിക്കന്തര്‍പൂരിലാണ് സംഭവം. നഗ്മ പ്രവീണ്‍ എന്ന യുവതി താന്‍ വരച്ച ചിത്രങ്ങള്‍ തന്റെ ഭര്‍ത്താവായ പര്‍വേസ് ഖാനെ കാണിച്ചപ്പോൾ ദേഷ്യം അടക്കാനാകാതെ ഭാര്യയെ മർദിക്കുകയും വീട്ടിൽനിന്നും പുറത്താക്കുകയും ചെയ്തു.

നഗ്മയ്ക്ക് ഭ്രാന്താണെണും മോദിയുടെയും യോഗി ആദിത്യനാഥിന്റെയും ചിത്രം വരച്ച നഗ്മയ്ക്കു തങ്ങള്‍ക്കൊപ്പം ജീവിക്കാനുള്ള അര്‍ഹതയില്ലെന്നാണ് ഭർത്താവും ഭർത്തൃമാതാവും പറയുന്നത്. മകളെ ഭര്‍തൃഗൃഹത്തില്‍ നിന്ന് ഇറക്കി വിട്ടതിനെ തുടര്‍ന്ന് നഗ്മയുടെ പിതാവ് പര്‍വേസിന്റെ വീട്ടിലെത്തുകയും അനുനയിപ്പിക്കാന്‍ ശ്രമിക്കുകയും ചെയ്‌തെങ്കിലും ശ്രമം പാഴാകുകയായിരുന്നു. പെണ്‍കുട്ടിയെ വീട്ടില്‍ നിന്നു പുറത്താക്കിയതും, സ്ത്രീധനത്തിന്റെ പേരില്‍ സ്ഥിരമായി ഭര്‍ത്താവും അമ്മയും പീഡിപ്പിച്ചിരുന്നതായും കാണിച്ച് നഗ്മയുടെ ഷംസര്‍ ഖാന്‍ പാരാതി നല്‍കിയിട്ടുണ്ടെന്ന് പോലീസ് അറിയിച്ചു.