ഭീകരർ രാസായുധ ആക്രമണമുണ്ടാകാന്‍ സാധ്യതയുണ്ടെന്ന മുന്നറിയിപ്പിനെ തുടർന്നു രാജ്യത്ത് ജാഗ്രതാ നിർദേശം. കേന്ദ്ര ഇന്‍റലിജൻസാണ് ഇതുസംബന്ധിച്ച വിവരം ആഭ്യന്തരമന്ത്രാലയത്തിനു നൽകിയത്. ഇതേതുടർന്നു എല്ലാ സംസ്ഥാനങ്ങളിലും സുരക്ഷ കർശനമാക്കാൻ ആഭ്യന്തരമന്ത്രാലയം നിർദേശം നൽകിക്കഴിഞ്ഞു .

പൊതുഗതാഗത സംവിധാനങ്ങൾക്കു നേരെ ആക്രമണമുണ്ടാകാൻ സാധ്യതയുണ്ടെന്നാണ് മുന്നറിയിപ്പ്. വിമാനത്താവളങ്ങൾ ട്രെയിൻ, മെട്രോ, ബസ് സ്റ്റേഷനുകളിലും കനത്ത സുരക്ഷ ഏർപ്പെടുത്താനാണ് ആഭ്യന്തരമന്ത്രാലയം നിർദേശം നൽകിയിരിക്കുന്നത്.ഭീകരാക്രണമുണ്ടാകുമെന്ന് റിപ്പോർട്ടുകളെ തുടർന്നു വിമാനത്താവളങ്ങിൽ സുരക്ഷ ശക്തമാക്കിയിരുന്നു. യാത്രക്കാരെയും സാധനങ്ങളും കർശനപരിശോധനയ്ക്ക് വിധേയമാക്കാനും നിർദേശിച്ചിട്ടുണ്ട്.