സ്വന്തം വാഹനത്തില്‍ ജീവനകല ആചാര്യന്‍ ശ്രീ ശ്രീ രവി ശങ്കറിന് ഗുവാഹത്തി ഹൈക്കോടതി ചീഫ് ജസ്റ്റിസിന്റെ വക ലിഫ്റ്റ് വിവാദമാകുന്നു. 
ചീഫ് ജസ്റ്റിസ് അജിത് സിങാണ് സ്വന്തം കാറില്‍ ശ്രീ ശ്രീ രവി ശങ്കറിനെ ഗുവാഹത്തി വിമാനത്താവളത്തില്‍ എത്തിച്ചത്. കാറിന്റെ െ്രെഡവിംഗ് സീറ്റില്‍ ജസ്റ്റിസ് അജിത് സിങ്ങിനൊപ്പം, രവി ശങ്കറും ഇരിക്കുന്ന ചിത്രം പുറത്തായതോടെ രൂക്ഷവിമര്‍ശനവുമായി ബാര്‍ അസോസിയേഷന്‍ രംഗത്തെത്തി. ഹൈക്കോടതി ചട്ടങ്ങള്‍ ചീഫ് ജസ്റ്റിസ് ലംഘിച്ചു?വെന്നാണ് ബാര്‍ അസോസിയേഷന്‍ ആരോപിക്കുന്നത്. 
ഗുവാഹത്തിയില്‍ നടന്ന വടക്കു കിഴക്കന്‍ തദ്ദേശ്ശീയരുടെ സമ്മേളനത്തില്‍ പങ്കെടുക്കാനെത്തിയതിനു ശേഷമാണ് ചീഫ് ജസ്റ്റിസ് സ്വന്തം കാറില്‍ രവി ശങ്കറെ വിമാനത്താവളത്തില്‍ എത്തിച്ചത്. അജിത് സിങ്ങിനെതിരെ ബാര്‍ അസോസിയേഷന്‍ സുപ്രീംകോടതി ചീഫ് ജസ്റ്റിസിന് പരാതി നല്‍കാനാണ് നീക്കം.