അണ്ണാ ഡി.എം.കെയ്‌ക്കെതിരെ ശക്തമായ നിലപാടുമായി ഉലകനായകന്‍
ഉടന്‍ തന്നെ താന്‍ രാഷ്ട്രീയത്തിലേക്ക് ഇറങ്ങുമെന്ന് പ്രഖ്യാപിച്ചതിന് പിന്നാലെ തമിഴ്‌നാട്ടിലെ ഭരണകക്ഷിയായ അണ്ണാ ഡി.എം.കെയ്ക്ക് എതിരെ ശക്തമായ നിലപാടുമായി നടന്‍ കമലഹാസന്‍ രംഗത്തെത്തി. ജോലി ചെയ്യാതെ റിസോര്‍ട്ടില്‍ കഴിയുന്ന അണ്ണാ ഡി.എം.കെ എം.എല്‍.എമാര്‍ക്ക് ശമ്പളം നല്‍കരുതെന്ന് അദ്ദേഹം ആവശ്യപ്പെട്ടു.
ജോലി ചെയ്തില്ലെങ്കില്‍ ശമ്പളമില്ലെന്ന നിയമം സര്‍ക്കാര്‍ ജീവനക്കാര്‍ക്ക് മാത്രമാണോ ബാധകമാകുന്നത്...കുതിരക്കച്ചവടത്തിന്റെ ഭാഗമായി റിസോര്‍ട്ടുകളില്‍ സുഖമായി കഴിയുന്ന എം.എല്‍.എമാര്‍ക്ക് ഈ നിയമം ബാധകമല്ലേയെന്നും കമലഹാസന്‍ ട്വിറ്ററിലൂടെ ചോദിച്ചു. സമരം ചെയ്യുന്ന അദ്ധ്യാപകരെ ഒരിക്കല്‍ അതില്‍ നിന്നും പിന്‍തിരിക്കാന്‍ കോടതി ഇടപെട്ടു. ഇക്കാര്യത്തിലും കോടതിയുടെ ശക്തമായ ഇടപെടല്‍ ഉണ്ടാകണമെന്ന് അദ്ദേഹം ആവശ്യപ്പെട്ടു.
തമിഴ് രാഷ്ട്രീയത്തില്‍ തുടരുന്ന അനിശ്ചിതത്വങ്ങള്‍ക്കിടയില്‍ കമലഹാസന്‍ നടത്തിയ പരാമര്‍ശങ്ങള്‍ ശ്രദ്ധേയമാണെന്നാണ് വിലയിരുത്തല്‍.
https://www.facebook.com/Malayalivartha
