മൂന്നു വയസുകാരി മകളെയും നൂറു കോടി വരുന്ന സ്വത്തും ഉപേക്ഷിച്ച്​ ദമ്പതികൾ സന്യാസത്തിനൊരുങ്ങുന്നു. മധ്യപ്രദേശിൽ നിന്നുള്ള ജൈന ദമ്പതിമാരാണ് മൂന്നു വയസുകാരിയായ മകളെയും 100കോടിയോളം മൂല്യം വരുന്ന സ്വത്തുക്കളും ഉപേക്ഷിച്ച്​ സന്യസിക്കാനൊരുങ്ങുന്നത്. സുമിത്​ റാ​ത്തോഡ്​ (35), ഭാര്യ അനാമിക (34) എന്നിവരാണ്​ സന്യാസത്തിന്റെ ആദ്യപടിയായ ദീക്ഷ സ്വീകരിക്കാൻ തയാറെടുക്കുന്നത്​. സെപ്​തംബർ 23ന്​ ഗുജറാത്തിലെ സൂറത്തിൽ ജൈന ആചാര്യൻ രാംലാൽ മഹാരാജിൽ നിന്ന്​ ദീക്ഷ സ്വീകരിക്കും.

പാരമ്പര്യമായി രാഷ്​ട്രീയക്കാരും വ്യാപാരികളുമാണ്​ ദമ്പതികളുടെ കുടംബം. ദമ്പതികളുടെ മകൾ മൂന്നു വയസുകാരി ഇഭ്യയുടെ സംരക്ഷണം അനാമികയുടെ പിതാവ്​ അശോക്​ ചണ്ഡാലിയഏറ്റെടുത്തു. ഒരാളു​ടെയും മതപരമായ ആഗ്രഹങ്ങളെ തടഞ്ഞു നിർത്താൻ ആർക്കും സാധിക്കില്ലെന്ന്​ അനാമികയുടെ പിതാവ്​ പറഞ്ഞു. നാലു വർഷം മുമ്പ്​ വിവാഹിതരായ ദമ്പതികൾ കുഞ്ഞിന്​​ എട്ടുമാസം മാത്രം പ്രായമുണ്ടായിരുന്നപ്പോൾ സന്യാസം സ്വീകരിക്കാൻ ​ആഗ്രഹാം പ്രകടിപ്പിച്ചിരുന്നു. അതിനു ശേഷം അകന്നു താമസിക്കുകയായിരുന്നു ഇരുവും. ദീക്ഷ സ്വീകരിക്കും വരെ ഇരുവരും മൗനവ്രതത്തിലാണ്.