ദീപാവലി എത്തുന്നതോട് കൂടി പെട്രോളിന് വില കുറയ്ക്കാമെന്ന് പെട്രോളിയം മന്ത്രി ധര്‍മേന്ദ്ര പ്രധാന്‍. പെട്രോളിനും അനുബന്ധ ഉത്പന്നങ്ങള്‍ക്കും തോന്നുംപടി വില വര്‍ധിപ്പിക്കുന്നതിനെതിരെ രാജ്യമെങ്ങും പ്രതിഷേധം വ്യാപകമായിരിക്കുന്നതിനിടെയാണ് കേന്ദ്രമന്ത്രിയുടെ പ്രസ്താവന. അന്താരാഷ്ട്ര വിപണിയില്‍ ക്രൂഡ് ഓയിലിന്റെ വില കുത്തനെ കുറഞ്ഞിട്ടും ഇന്ത്യയില്‍ ഭീകര കൊള്ളയാണ് പെട്രോള്‍ കമ്പനികള്‍ നടത്തുന്നത്.

അമേരിക്കയില്‍ വെള്ളപ്പൊക്ക കെടുതികള്‍ നടക്കുന്നതിനാല്‍ അസംസ്‌കൃത എണ്ണ ഉത്പ്പാദനം കുറഞ്ഞതിനാലാണ് ഇന്ത്യയില്‍ പെട്രോള്‍ വില ഉയര്‍ന്നത് എന്നായിരുന്നു വിലക്കയറ്റത്തെക്കുറിച്ച് പെട്രോളിയം മന്ത്രി പറഞ്ഞ മുടന്തന്‍ ന്യായം.