മാംസം മനുഷ്യനെ നശിപ്പിക്കുമെന്ന് കേന്ദ്ര വനിതാ ശിശുക്ഷേമ സഹമന്ത്രി മനേകാ ഗാന്ധി. മനുഷ്യന്‍ ജന്മനാസസ്യാഹാരിയാണെന്നും മാംസ ഭക്ഷണം മനുഷ്യന് അപകടമാണെന്നും അവര്‍ പറഞ്ഞു. 'ദി എവിഡന്‍സ്-മീറ്റ് കില്‍സ്' എന്ന ഡോക്യൂമെന്ററിയുടെ പ്രദര്‍ശനം നിര്‍വഹിച്ച് സംസാരിക്കുകയായിരുന്നു മന്ത്രി. 

മാംസം കഴിച്ചാല്‍ മരിച്ചു പോകില്ല, എന്നാല്‍, അത് നിങ്ങളുടെ ശരീരത്തെ തകര്‍ക്കും. ആദ്യം നിങ്ങള്‍ ഇറച്ചി കഴിക്കും. പിന്നീട് ഇറച്ചി നിങ്ങളെയും കഴിക്കും.'ഇറച്ചി കഴിക്കുന്നത് ശരീരത്തിന് ദോഷം ചെയ്യുമെന്നാണ് പഠനങ്ങള്‍ കാണിക്കുന്നത്. ശരീരത്തിന്റെ ഓരോ ഭാഗത്തിനും സസ്യഭക്ഷണമാണ് ആവശ്യം. ഇത്തരമൊരു അനാവശ്യ വസ്തു ശരീരത്തിലേയ്ക്ക് കടന്നു ചെന്നാല്‍ അത് മാരക രോഗങ്ങള്‍ക്ക് കാരണമാകുമെന്നും മന്ത്രി പറയുന്നു .