സെൽഫി ഭ്രാന്ത് പിടിച്ചിരിക്കുകയാണ് ഇന്നത്തെ തലമുറയ്ക്ക്. എവിടെ പോയാലും കുറെ സെൽഫീസ് പതിവാണ്. കമ്മ്യൂണിക്കേഷൻ നടത്തുക എന്ന ഉപയോഗത്തിലുപരി ഇപ്പോൾ എല്ലാവരും മൊബൈലിനു പ്രാധാന്യം കൊടുക്കുന്നത് ഫോട്ടോ എടുക്കാനാണ്. പുതിയതലമുറയുടെ ലക്‌ഷ്യം ഫോട്ടോ എടുത്ത് സോഷ്യൽ മീഡിയയിൽ അപ്‌ലോഡ് ചെയ്ത് കുറെ ലൈക്സ് വാങ്ങുക എന്നതുമാത്രമാണ്.

ഈ സെൽഫിമാനിയമൂലം നിരവധി ജീവനുകളാണ് മൺമറഞ്ഞുപോയത്. ഇപ്പോഴിതാ ഒരു ജീവൻകൂടി പൊലിഞ്ഞു. പശ്ചിമബംഗാളിലെ നാദിയ ജില്ലയിലാണ് സംഭവം. ഇവിടുത്തെ കല്യാണി സ്റ്റേഷനിൽ നിന്ന് ഒന്നര കിലോമീറ്റർ മാത്രമകലെയായാണ് അപകടം നടന്നത്. രാജേഷ് ത്രിഗുണ, സൂരജ് മോൻഡാൽ എന്നിവരാണ് അപകടത്തിൽപ്പെട്ടത്. രാകേഷ് സംഭവസ്ഥലത്തുവച്ചുതന്നെ മരിച്ചു. ഗുരുതരമായി പരിക്കേറ്റ സൂരജ് സമീപത്തെ ആശുപത്രിയിൽ ചികിത്സയിലാണ്.

ട്രെയിൽ വരുന്നത് ദൂരെ നിന്നു കണ്ട ഇവർ അതിന്റെ പശ്ചാത്തലത്തിൽ സെൽഫിയെടുക്കാനാണ് ശ്രമിച്ചത്. ഇതിനായി ഇരുവരും ട്രാക്കിനോട് ചേർന്നാണ് നിന്നത്. വേഗത്തിലെത്തിയ ട്രെയിൻ ഇരുവരെയും ഇടിച്ചു തെറിപ്പിക്കുകയായിരുന്നുവെന്ന് ദൃക്സാക്ഷികൾ പറഞ്ഞു.