ദാവൂദ് പാക്കിസ്ഥാനില് തന്നെ ഉണ്ടെന്ന് സഹോദരന് ഇക്ബാല് കസ്കര്
അധാലോക ഭീകരന് ദാവൂദ് ഇബ്രാഹിം പാകിസ്ഥാനിലുണ്ടെന്ന് പിടിയിലായ സഹോദരന് ഇക്ബാല് കസ്കര് പറഞ്ഞു.ഫോണ് ചോര്ത്തപ്പെടുമെന്ന ഭീതിയിലാണ് ദാവൂദ് ഇന്ത്യയിലെ അനുയായികളെ വിളിക്കാത്തതെന്നും ഇരുവരുടെയും മറ്റൊരു സഹോദരനായ അനീസ് ഇബ്രാഹിം ദാവൂദിനൊപ്പമാണ് കഴിയുന്നതെന്നും ഇക്ബാല് വെളിപ്പെടുത്തിയതായി രഹസ്യാന്വേഷണ വിഭാഗം അറിയിച്ചു.
ദാവൂദ് പാകിസ്ഥാനിലാണെന്ന ഇന്ത്യയുടെ വാദത്തിന് ബലമേകുന്ന മൊഴിയാണ് കസ്കര് നല്കിയിരിക്കുന്നത്. രഹസ്യ വിവരത്തിന്റെ അടിസ്ഥാനത്തില് ദാവൂദിന്റെ പാകിസ്ഥാനിലെ ഒമ്പത് വിലാസങ്ങളുടെ വിവരം ഇന്ത്യ ഐക്യരാഷ്ട്ര സഭയ്ക്ക് കൈമാറിയിരുന്നു.
തിങ്കളാഴ്ച രാത്രി ദക്ഷിണ മുംബയില് സി.എസ്.ടി റെയില്വേ സ്റ്റേഷനില് നിന്ന് രണ്ട് കിലോമീറ്റര് അകലെ മോഡിയ സ്ട്രീറ്റിലുള്ള സഹോദരി ഹസീന പാര്ക്കറുടെ വീട്ടില് നിന്നാണ് ഇക്ബാല് കസ്കറെ പൊലീസ് അറസ്റ്റ് ചെയ്തത്. കെട്ടിട നിര്മ്മാതാക്കള്, ബിസിനസുകാര് തുടങ്ങിയവരെ ഭീഷണിപ്പെടുത്തി പണം തട്ടിയ കേസിലാണ് കസ്കര് പിടിയിലായത്.
https://www.facebook.com/Malayalivartha
