വളര്‍ച്ചാനിരക്ക് കുറയുന്ന് ആദ്യമായല്ല, നോട്ടു നിരോധനം ശരിയായ തീരുമാനമെന്ന് മോഡി
നോട്ടു നിരോധനത്തിനു ശേഷം രാജ്യം കടുത്ത സാമ്പത്തിക മാന്ദ്യത്തിലാണെന്ന വിമര്‍ശനങ്ങള്‍ക്ക് മറുപടിയുമായി പ്രധാനമന്ത്രി നരേന്ദ്രമോഡി. രാജ്യത്തിന്റെ വളര്‍ച്ചാനിരക്ക് കുറയുന്നത് ഇത് ആദ്യമായിട്ടല്ല, നോട്ടു നിരോധനവും, ജിഎസ്ടിയും ശരിയായ തീരുമാനങ്ങള്‍ ആണെന്നും മോഡി വ്യക്തമാക്കി.
ഇത് ആദ്യമായിട്ടല്ല വളര്‍ച്ചാനിരക്ക് 5.7 ലേക്ക് എത്തുന്നതെന്ന് മോഡി തുറന്നടിച്ചു. കമ്ബനി സെക്രട്ടറിമാരുടെ യോഗത്തില്‍ പങ്കെടുത്ത് സംസാരിക്കവെയാണ് മോഡി വിമര്‍ശനങ്ങള്‍ക്ക് മറുപടി നല്‍കിയത്. തന്നെക്കാള്‍ വലിയ സാമ്പത്തിക വിദഗ്ധര്‍ ഉണ്ടായിരുന്നിട്ടും കഴിഞ്ഞ ആറു വര്‍ഷത്തിനിടെ വളര്‍ച്ചാ നിരക്ക് താഴേയ്ക്ക് പോയിട്ടുണ്ട്. വിമര്‍ശനങ്ങള്‍ക്ക് മറുപടി പറയവെ മുന്‍ പ്രധാനമന്ത്രി മന്‍മോഹന്‍ സിങ്ങിനെ പരോക്ഷമായി വിമര്‍ശിക്കാനും മോഡി മറന്നില്ല.
അതേസമയം, അടുത്ത പാദത്തില്‍ രാജ്യം 7.7 ശതമാനം വളര്‍ച്ച നേടുമെന്ന് ആര്‍ബിഐ പ്രവചിച്ചിട്ടുണ്ടെന്നും മോഡി കൂട്ടിച്ചേര്‍ത്തു. നിലവില്‍ വസ്തുതകള്‍ വെച്ചല്ല, വൈകാരികമായാണ് വിമര്‍ശനങ്ങളെന്നും മോഡി തുറന്നടിച്ചു.
വ്യാപാരികള്‍ നേരിടുന്ന പ്രശ്നങ്ങള്‍ പരിശോധിക്കാന്‍ ജിഎസ്ടി കൗണ്‍സിലിനു നിര്‍ദേശം നല്‍കിയതായും, സര്‍ക്കാര്‍ സ്വീകരിച്ച നടപടികള്‍ രാജ്യത്തെ വികസനത്തിന്റെ പാതയിലേയ്ക്ക് നയിക്കുമെന്നും മോഡി പറഞ്ഞു.
https://www.facebook.com/Malayalivartha
