ഞാന്‍ ജനങ്ങള്‍ തിരഞ്ഞെടുത്ത മുഖ്യമന്ത്രിയാണ്, തീവ്രവാദിയല്ലെന്ന് കേജ്‌രിവാള്‍, ജനപ്രതിനിധികളുടെ നിര്‍ദേശങ്ങള്‍ പാലിക്കാനുള്ളവരാണ് ഉദ്യോഗസ്ഥര്‍
ഞാന്‍ ജനങ്ങള്‍ തിരഞ്ഞെടുത്ത മുഖ്യമന്ത്രിയാണ്, തീവ്രവാദിയല്ലെന്ന് ഡല്‍ഹി നിയമസഭയില്‍ അരവിന്ദ് കേജ്‌രിവാള്‍. ഗെസ്റ്റ് അധ്യാപകരെ സ്ഥിരപ്പെടുത്താനുള്ള ബില്ലിനെ എതിര്‍ത്ത ലഫ്.ഗവര്‍ണര്‍ അനില്‍ ബൈജലിനെ ലക്ഷ്യം വച്ചായിരുന്നു കേജ്‌രിവാളിന്റെ പരാമര്‍ശം.
15,000 ഗെസ്റ്റ് അധ്യാപകരെ സ്ഥിരപ്പെടുത്താനുള്ള ബില്‍ ഭരണഘടനാ ചട്ടങ്ങള്‍ പാലിച്ചല്ല തയാറാക്കിയിരിക്കുന്നതെന്നും നിയമങ്ങള്‍ രൂപീകരിക്കുന്നതിനു പരിമിതിയുണ്ടെന്നും ഗവര്‍ണര്‍ പറഞ്ഞിരുന്നു.
ലഫ്.ഗവര്‍ണറും ബിജെപിയും ഉദ്യോഗസ്ഥരും ചേര്‍ന്നു ഭരണം തകര്‍ക്കാന്‍ ശ്രമിക്കുകയാണെന്നു കേജ്‌രിവാള്‍ ആരോപിച്ചു. ഡല്‍ഹിയുടെ അധികാരികള്‍ ഞങ്ങളാണ്, ഉദ്യോഗസ്ഥരല്ല. ജനങ്ങള്‍ വകുപ്പു സെക്രട്ടറിമാരെയല്ല തിരഞ്ഞെടുക്കുന്നത്, ജനപ്രതിനിധികളെയാണ്.
രാജ്യം ജനാധിപത്യത്തിലാണു പ്രവര്‍ത്തിക്കുന്നത്. ജനപ്രതിനിധികളുടെ നിര്‍ദേശങ്ങള്‍ പാലിക്കാനുള്ളവരാണ് ഉദ്യോഗസ്ഥരെന്നും കേജ്‌രിവാള്‍ പറഞ്ഞു.
https://www.facebook.com/Malayalivartha
