ബിജെപി നേതാവ് ശോഭാ സുരേന്ദ്രൻ കൊടകര കുഴൽപ്പണക്കേസ് ആരോപണങ്ങളിൽ മറുപടിയുമായി രംഗത്ത് വന്നിരിക്കുകയാണ്. ഉപതിരഞ്ഞെടുപ്പിൽ ബിജെപി വിജയം നേടുമെന്നും ശോഭാ സുരേന്ദ്രൻ  പറഞ്ഞു.

കേസുകൾ തനിക്ക് പുത്തരിയല്ല താൻ നൂലിൽ കെട്ടി ഇറങ്ങിയ ആളല്ല. നല്ല തൻറേടത്തോടെ, ലാത്തിച്ചാർജുവരെ ഏറ്റുവാങ്ങിയ നേതാവാണ് . തനിക്കൊരു ഗോഡ് ഫാദർ ഇല്ല. പ്രവർത്തകർക്കൊപ്പം ശാരീരിക പ്രതിസന്ധികൾ പോലും നോക്കാതെ നിന്നിട്ടുള്ള വ്യക്തിയാണ്. എന്താണ് തന്റെ അയോഗ്യതയെന്നും അവർ  ചോദ്യമുന്നയിച്ചു.

രാഷ്ട്രീയ ടൂളിനെ രംഗത്തിറക്കിയിരിക്കുകയാണ് എകെജി സെന്ററും പിണറായി വിജയനുമെന്ന് അവർ ആരോപിക്കുകയും ചെയ്തു. 'ആർഎസ്എസ് പ്രവർത്തകൻ ആണെങ്കിൽ ഇത്തരമൊരു സംഭവം ശ്രദ്ധയിൽപ്പെട്ടാൽ തിരൂർ സതീഷ് പോകേണ്ടത് ആർഎസ്എസിന്റെ സംസ്ഥാന കാര്യാലയത്തിലേക്കാണ് എന്നും ഇത്തരമൊരു ഉപകരണത്തെ ഉപയോഗിച്ച് ശോഭാസുരേന്ദ്രനെ സംസ്ഥാന രാഷ്ട്രീയത്തിൽ നിന്ന് ഇല്ലായ്മ ചെയ്യാൻ ശ്രമിക്കുകയാണ് എന്നും  അവർ ആരോപിച്ചു.