നല്ല ആരോഗ്യത്തിനായി ജങ്ക് ഫുഡ് ഒഴിവാക്കണം... ധാരാളം പഴങ്ങൾ കഴിച്ചാൽ നമുക്ക് നല്ല ആരോഗ്യം കിട്ടും. എല്ലാ ആരോഗ്യ ഉപദേശകരും പറയുന്ന ഒരു കാര്യമാണിത്. ഇതും കേട്ടുകൊണ്ട് കണ്ണിൽ കാണുന്ന പഴങ്ങൾ എല്ലാം വലിച്ചു വാരി കഴിക്കുന്നവരും ജ്യൂസ് അടിച്ചു കുടിക്കുന്നവരും നമുക്കിടയിൽ ഒത്തിരി ഉണ്ട്.

എന്നാൽ ഒരു കാര്യം നിങ്ങൾ ഓർക്കണം. പഴങ്ങൾ അമിതമായി കഴിക്കുന്നത് ആരോഗ്യത്തിന് അത്ര നല്ലതല്ല. നല്ല ആരോഗ്യവും പ്രതിരോധ ശേഷിയും കിട്ടുവാൻ വേണ്ടി ഇത്തരത്തിൽ ഭക്ഷണക്രമം നടത്തിയാൽ അതിനുപിന്നിൽ അപകടം ഒളിച്ചിരിപ്പുണ്ട്.

പഴങ്ങൾ എത്രവേണമെങ്കിലും പലരും കഴിക്കും. ഇടനേരങ്ങളിലും പഴച്ചാറുകളും കഴിക്കാറുണ്ട്. ഇവയിൽ അടങ്ങിയിരിക്കുന്ന ഫ്രക്റ്റോസ് എന്ന ഘടകമാണ് ഗുണവും ദോഷവും നമ്മുടെ ശരീരത്തിൽ ഉണ്ടാക്കുന്നത്.

പഴങ്ങൾ, ചില പച്ചക്കറികൾ, തേൻ എന്നിവയിൽ അടങ്ങിയിരിക്കുന്ന പ്രകൃതി ദത്ത പഞ്ചസാരയാണ് ഫ്രക്റ്റോസ് എന്ന് പറയുന്നത്. മിതമായി ഉപയോഗിച്ചാൽ പഴങ്ങളിലെ ഫ്രക്റ്റോസ് ആരോഗ്യകരമായി തന്നെ നമുക്ക് ഉപയോഗിക്കാം . ഫൈബർ, വൈറ്റമിനുകൾ, ആന്റി ഓക്സിഡന്റുകൾ എന്നിവയോടൊപ്പമാണ് പഴങ്ങളിലെ പഞ്ചസാരയും നമ്മുടെ ശരീരത്തിൽ എത്തുന്നത് .

പക്ഷേ പഴം, ഡ്രൈഫ്രൂട്ട്, പഴച്ചാർ എന്നിവയുടെ ഉപയോഗം അധികമായാൽ മധുരം നമുക്ക് വമ്പൻ തിരിച്ചടി നൽകും. നമ്മുടെ ശരീരത്തിൽ അധികമാകുന്ന കിട്ടിയ ഫ്രക്റ്റോസിനെ കൊഴുപ്പാക്കി കരളിൽ അടിഞ്ഞുകൂടുകയും ചെയ്യും.

കരളിൽ കൊഴുപ്പ് കൂടുതൽ ശേഖരിക്കുമ്പോൾ ഫാറ്റി ലിവർ നമ്മുടെ ശരീരത്തിൽ ഉണ്ടാവും. മദ്യപാനി അല്ലാത്തവർക്ക് പോലും ഫാറ്റിലിവർ എന്ന പ്രോബ്ലം വരാൻ കാരണം ഇതാണെന്നാണ് ആരോഗ്യ വിദഗ്ധർ ചൂണ്ടിക്കാണിക്കുന്നത്.

മാത്രമല്ല അമിതമായ ഫ്രക്റ്റോസ് ഇൻസുലിൻ പ്രതിരോധത്തിലേക്ക് ശരീരത്തെ നയിക്കും . ഇതാകട്ടെ അമിത വണ്ണം, എൽഡിഎൽ കൊളസ്ട്രോളിന്റെ വർധന എന്നിവയിലേക്ക് നമ്മുടെ ശരീരത്തെ നയിക്കും. പൊണ്ണത്തടി ഒഴിവാക്കുക എന്ന ലക്ഷ്യത്തോടെയാണ് പലരും പഴങ്ങളേയും പഴച്ചാറിനേയും കഴിക്കുന്നത്.

പക്ഷേ നമ്മൾ ഉദ്ദേശിക്കുന്ന ഫലത്തിനേക്കാൾ അതിന്റെ തിരിച്ചടി സംഭവിക്കുമെന്നതാണ് സത്യം. ടിന്നിലിടച്ചതുംQ കാർബണേറ്റ് ചെയ്തതുമായ പഴച്ചാറുകൾ കൂടുതൽ ദോഷത്തിലേക്ക് ശരീരത്തെ നയിക്കും . പൊതുവേ കുട്ടികളാണ് ഇത്തരം പാനീയങ്ങൾ കഴിക്കുന്നത്.അതുകൊണ്ടുതന്നെ കുട്ടികളിലും ആരോഗ്യപ്രശ്നങ്ങളുണ്ടാക്കും. വൺ പ്രമേഹം, അമിതവണ്ണം എന്ന ആരോഗ്യപ്രശ്നങ്ങളാണ് കുട്ടികളിൽ ഉണ്ടാക്കുന്നത്.

ഇതൊക്കെ കേട്ടിട്ട് ഇനിമുതൽ പഴങ്ങൾ കഴിക്കില്ലെന്ന തീരുമാനമെടുക്കേണ്ട. മിതമായാൽ ഒന്നും അപകടമാകില്ല. ദിവസവും ഏകദേശം 80 ഗ്രാം വരെ ഫ്രക്റ്റോസ് അപകടമുണ്ടാക്കില്ലെന്നാണ് ആരോഗ്യവിദഗ്ധർ ചൂണ്ടിക്കാണിക്കുന്നത്. പഴ വർഗങ്ങളിൽ അടങ്ങിയിരിക്കുന്ന ഫ്രക്റ്റോസിന്റെ അളവ് മനസ്സിലാക്കിയ ശേഷം അതനുസരിച്ച് നമുക്ക് അത് കഴിക്കാവുന്നതാണ്.

സാധാരണ ഉപയോഗിക്കുന്ന പഴങ്ങളിൽ അടങ്ങിയിരിക്കുന്ന ഫ്രക്റ്റോസിന്റെ അളവ്എങ്ങനെയാണെന്ന് ഒന്ന് പറഞ്ഞുതരാം അതനുസരിച്ച് ക്രമീകരണം നടത്തി കൊള്ളുക.

ആപ്പിൾ (മീഡിയം) 9.5 ഗ്രാം

പേരയ്ക്ക (മീഡിയം) 1.1ഗ്രാം

പാഷൻഫ്രൂട്ട് 1.3 ഗ്രാം

സ്ട്രോബെറി (4–5 എണ്ണം) 3.8 ഗ്രാം

പൈനാപ്പിൾ (ചെറിയ കഷണം) 4.0 ഗ്രാം

മുന്തിരി (ഒരു കപ്പ്) 12.4 ഗ്രാം

ഉണക്കമുന്തിരി (കാൽ കപ്പ്) 12.4 ഗ്രാം

ചെറുനാരങ്ങ 0 ഗ്രാം

മാമ്പഴം( മീഡിയം) 16.2 ഗ്രാം

ഓറഞ്ച് (മീഡിയം) 6.1 ഗ്രാം

തണ്ണിമത്തൻ (ഒരു കഷണം) 11.3ഗ്രാം

പപ്പായ (ഒരു കഷണം) 6.7 ഗ്രാം

വാഴപ്പഴം (മീഡിയം) 7.1 ഗ്രാം