ഐസിസി ടെസ്റ്റ് റാങ്കിംഗില്‍ ഇന്ത്യ ആറാം സ്ഥാനത്തേക്ക് പിന്തള്ളപ്പെട്ടു. ഓസ്‌ട്രേലിയയ്‌ക്കെതിരായ ഒന്നാം ടെസ്റ്റില്‍ വിജയം നേടിയതോടെ പാക്കിസ്ഥാന്‍ പട്ടികയില്‍ അഞ്ചാം സ്ഥാനത്തെത്തി.തോല്‍വിയോടെ റാങ്കിംഗില്‍ ഒന്നാമത് എത്താമെന്ന ഓസീസിന്റെ മോഹങ്ങള്‍ക്കാണ് തിരിച്ചടി ഉണ്ടായത്. ദക്ഷിണാഫ്രിക്കയെ മറികടന്ന് ഒന്നാമതെത്താന്‍ ഓസീസിന് പരമ്പരയിലെ രണ്ടു ടെസ്റ്റിലും വിജയം അനിവാര്യമായിരുന്നു. അടുത്ത ടെസ്റ്റില്‍ ഓസീസ് വിജയം നേടിയാലും ദക്ഷിണാഫ്രിക്കയുടെ ഒന്നാം റാങ്കിന് ഇളക്കം തട്ടില്ല. രണ്ടാം മത്സരത്തിലും വിജയം നേടി പരമ്പര തൂത്തുവാരിയാല്‍ ശ്രീലങ്കയെയും ഇഗ്ലണ്ടിനെയും മറികടന്ന് പാക്കിസ്ഥാന് മൂന്നാമതെത്താം.

.