രണ്ടാം ക്രിക്കറ്റ് ടെസ്റ്റില്‍ ഓസ്‌ട്രേലിയയെ 356 റണ്‍സിനു കീഴടക്കി പാക്കിസ്ഥാന്‍ ചരിത്രം വിജയം സ്വന്തമാക്കി. പാക്കിസ്ഥാന്റെ ഏറ്റവും വലിയ ടെസ്റ്റ് വിജയമാണിത്. ഈ വിജയത്തോടെ ടെസ്റ്റ് പരമ്പര പാക്കിസ്ഥാന്‍ 2-0 നു തൂത്തുവാരി. ഓസ്‌ട്രേലിയയ്‌ക്കെതിരെ 20 വര്‍ഷത്തിനു ശേഷമാണ് പാക്കിസ്ഥാന്‍ ടെസ്റ്റ് പരമ്പര വിജയം നേടുന്നത്.
അഞ്ചാം ദിനം 143/3 എന്ന നിലയില്‍ ബാറ്റിംഗ് ആരംഭിച്ച ഓസീസ് 88.3 ഓവറില്‍ 246 റണ്‍സിനു ഓള്‍ഔട്ട് ആയി. പാക്കിസ്ഥാന്‍ ഉയര്‍ത്തിയ 603 റണ്‍സ് ലക്ഷ്യം കീഴടക്കാന്‍ ഓസീസ് ബാറ്റ്‌സ്മാന്മാര്‍ക്കു സാധിച്ചില്ല. സ്റ്റീവന്‍ സ്മിത്ത് (97), ഡേവിഡ് വാര്‍ണര്‍ (58), മിച്ചല്‍ മാര്‍ഷ് എന്നിവര്‍ വിജയത്തിനായി പൊരുതിയെങ്കിലും അടിപതറി. അഞ്ചു വിക്കറ്റ് വീഴ്ത്തിയ സുല്‍ഫിക്കര്‍ ബാബറുടെ മികച്ച ബോളിംഗാണ് ഓസീസ് നിരയുടെ നടുവൊടിച്ചത്. യാസിര്‍ ഷാ മൂന്ന് വിക്കറ്റ് വീഴ്ത്തി.
മത്സരത്തിലെ വെടിക്കെട്ട് ബാറ്റിംഗിലൂടെ വേഗമേറിയ സെഞ്ചുറിയും അതിവേഗ അര്‍ധ സെഞ്ചുറിയും സ്വന്തമാക്കിയ പാക് നായകന്‍ മിസ്ബാ ഉള്‍ഹഖാണ് കളിയിലെ താരം. മിസ്ബാ ഇരു ഇന്നിംഗ്‌സിലും സെഞ്ചുറി നേടിയിരുന്നു. യൂനിസ് ഖാനാണ് പരമ്പരയിലെ താരം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha