ഒടുവില്‍ വിരാട് സമ്മതിച്ചു ; അനുഷ്‌ക എന്റെ കാമുകി
ഇന്ത്യന്‍ ക്രിക്കറ്റില്‍ ഇപ്പോള്‍ ഏറ്റവും അധികം സ്ത്രീ ആരാധാകരുള്ള താരമാണ് വിരാട് കോഹ്‌ലി. ഫേസ്ബുക്കില്‍ 18 മില്യണ്‍ ആരാധകരും ട്വിറ്ററില്‍ 4.34 മില്യണ്‍ ആരാധകരുമാണ് കൊഹ്‌ലിയ്ക്ക് ഉള്ളത്. ഇതില്‍ അധികവും പെണ്‍കുട്ടികളാണ്. ഈ പെണ്‍കുട്ടികള്‍ക്കെല്ലാം അല്‍പം സങ്കടം വരുന്ന ഒറു കാര്യം വിരാട് തുറന്നു പറഞ്ഞു. `എന്റെ കാമുകി ബോളിവുഡ് താരം അനുഷ്‌ക ശര്‍മയാണ്\'
വിരാടിന്റെ ഈ തുറന്നു പറച്ചിലിനായി മാധ്യമങ്ങള്‍ കാത്തിരിക്കാന്‍ തുടങ്ങിയിട്ട് കാലമേറെയായി. ഞങ്ങള്‍ ഒളിച്ചു നടക്കുകയായിരുന്നില്ല. ഞങ്ങള്‍ ഒന്നും തന്നെ ഒളിച്ചിട്ടുമില്ല. അതിനെനിക്ക് താല്‍പര്യമില്ല. എന്നാല്‍, നിരന്തരം ഈ ചോദ്യങ്ങളെ നേരിടേണ്ടിവരുമ്പോഴും അത് പരസ്യ സംവാദത്തിന് വഴിവയ്ക്കുകയും ചെയ്തപ്പോള്‍ ഞങ്ങള്‍ അസ്വസ്ഥരായിരുന്നു -വിരാട് പറയുന്നു.
ഞങ്ങളെ പലപ്പോഴും ഒന്നിച്ചു കാണാറുണ്ടല്ലോ. എന്നിട്ടും സംശയം പ്രകടിപ്പിക്കേണ്ട ആവശ്യമുണ്ടോ. കുറച്ച് സാമാന്യബുദ്ധി ഉപയോഗിച്ചാല്‍ പോരെ. എല്ലാം അറിയുമെങ്കില്‍ എന്തിന് ഒരേ ചോദ്യങ്ങള്‍ ആവര്‍ത്തിക്കുന്നു. ഞങ്ങള്‍ ചെയ്യുന്നതില്‍ എന്തെങ്കിലും തെറ്റുണ്ടെന്ന് തോന്നുന്നില്ല. ഇത് ഞങ്ങളുടെ വ്യക്തിപരമായ കാര്യമാണ്. അതുകൊണ്ടുതന്നെ ഇത് അങ്ങാടിപ്പാട്ടാക്കാനും ഞങ്ങള്‍ ആഗ്രഹിക്കുന്നില്ലെന്നും ക്രിക്കറ്റ് സെന്‍സേഷന്‍. ![\"\"](\"/userfiles/cr2.jpg\")
ശ്രീലങ്കയ്‌ക്കെതിരായ അവസാന ഏകദിനത്തില്‍ സെഞ്ച്വറി നേടിയ വിരാട് ഗ്യാലറിയിലുള്ള അനുഷ്‌കയ്ക്ക് ചുംബനമെറിഞ്ഞ് ആഘോഷം നടത്തിയത് ക്യാമറക്കണ്ണില്‍പ്പെട്ടിരുന്നു. നേരത്തെ ഇംഗ്ലണ്ടിനെതിരായ പരമ്പരയില്‍ വിരാടിന്റെ മോശപ്പെട്ട പ്രകടനം ഗ്യാലറിയിലെ അനുഷ്‌കയുടെ സാന്നിധ്യം മൂലമാണെന്ന് ആരോപണവും ഉയര്‍ന്നിരുന്നു. ഈ ആരോപണങ്ങള്‍ക്കുള്ള മറുപടിയായിട്ടായിരുന്നു കോലിയുടെ ചുംബന സമ്മാനം.![\"\"](\"/userfiles/cr3.jpg\")
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
