ബൗണ്സര് തലയില് കൊണ്ട് ഓസീസ് ബാറ്റ്സ്മാന് ഫിലിപ്പ് ഹ്യൂസ് ഗുരുതരാവസ്ഥയില്
പ്രാദേശിക മത്സരത്തിനിടെ പന്ത് തലയില് കൊണ്ട് ഓസ്ട്രേലിയന് ബാറ്റ്സ്മാന് ഫിലിപ്പ് ഹ്യുസ് ആശുപത്രിയില്. ഹ്യൂസിന്റെ നില ഗുരുതരമാണെന്നാണ് റിപ്പോര്ട്ടുകള് നല്കുന്നത്. ന്യൂ സൗത്ത് വെയ്ല്സും സൗത്ത് ഓസ്ട്രേലിയയും തമ്മിലുള്ള ഷീല്ഡ് മത്സരത്തിനിടെയാണ് സംഭവം.
പന്ത് തലയില് കൊണ്ടതിന് പിന്നാലെ മെഡിക്കല് സംഘം ഹ്യൂസിനെ പരിശോധിച്ചു. അബോധാവസ്ഥയിലായ ഹ്യൂസിനെ സ്ട്രെക്ചറില് ആംബുലന്സിലേയ്ക്ക് മാറ്റി. തുടര്ന്ന് ഹെലികോപ്ടറില് സെന്റ് വിന്സന്റ് ആശുപത്രിയില് പ്രവേശിപ്പിച്ചു. സംഭവത്തെ തുടര്ന്ന് മത്സരം നിര്ത്തിവെച്ചു.
വ്യക്തിഗത സ്കോര് 63-ല് നില്ക്കേ സീന് അബോട്ടിന്റെ പന്ത് ഹുക്ക് ചെയ്യാന് ശ്രമിക്കുന്നതിനിടെയാണ് ഹ്യൂസിന്റെ തലയില് പന്ത് കൊണ്ടത്. ഹെല്മറ്റ് ധരിച്ചിരുന്നെങ്കിലും ഏറ് കൊണ്ടതിന് പിന്നാലെ ഹ്യൂസ് ഗ്രൗണ്ടില് വീണു. ഉടന് തന്നെ സൗത്ത് വെയ്ല്സ് താരങ്ങള് ഡോക്ടറെ വിളിച്ചു. സൗത്ത് ഓസ്ട്രേലിയ 136/2 എന്ന നിലയില് നില്ക്കുമ്പോഴാണ് സംഭവം. ഹ്യൂസിന്റെ അമ്മയും സഹോദരിയും മത്സരം കാണാനുണ്ടായിരുന്നു.
ഇന്ത്യയ്ക്കെതിരായ ആദ്യ ടെസ്റ്റിനുള്ള ഓസ്ട്രേലിയന് ടീമിലേയ്ക്ക് വിളി പ്രതീക്ഷിച്ചിരിക്കുമ്പോഴാണ് ഹ്യൂസിന് പരിക്കേറ്റത്. ക്യാപ്റ്റന് മൈക്കിള് ക്ലാര്ക്കിന്റെ പരിക്കാണ് ഹ്യൂസിന് സാധ്യത കല്പ്പിച്ചിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
