ക്രിക്കറ്റ് പന്ത് തലയില്‍ക്കൊണ്ട് പരുക്കേറ്റ് മരിച്ച ഓസ്‌ട്രേലിയന്‍ താരം ഫില്‍ ഹ്യൂസിന് ആദരാഞ്ജലി അര്‍പ്പിക്കാന്‍ ക്രിക്കറ്റ് ഓസ്‌ട്രേലിയ പുതുമയേറിയ ഒരു മാര്‍ഗ്ഗം അവലംബിക്കുന്നു. ഹ്യൂസ് ഉപയോഗിച്ചിരുന്ന ബാറ്റുകളിലൊന്ന് എവറസ്റ്റ് കൊടുമുടിയുടെ മുകളില്‍ സ്ഥാപിക്കാനാണ് അവര്‍ ഉദ്ദേശിക്കുന്നത്. ക്രിക്കറ്റ് അസോസിയേഷന്‍ ഓഫ് നേപ്പാളുമായി സഹകരിച്ചാണ് ഇത് നടപ്പിലാക്കുന്നതെന്ന് ക്രിക്കറ്റ് ഓസ്‌ട്രേലിയ ചെയര്‍മാന്‍ വാലി എഡ്വേര്‍ഡ്‌സ് പറഞ്ഞു.
ഏറ്റവും കൂടുതല്‍ പര്‍വതാരോഹകര്‍ എവറസ്റ്റ് പര്യടനം നടത്തുന്ന മാര്‍ച്ച് , ഏപ്രില്‍ മാസങ്ങളിലാകും ബാറ്റ് അവിടെ സ്ഥാപിക്കുക.

ഹ്യൂസ് അവസാനം നേടിയ സ്‌കോറായ 63-നെ അനുസ്മരിച്ചുകൊണ്ട്‌ 63 ഓവറുള്ള ഒരു മത്സരവും ഇതിനോടനുബന്ധിച്ച് നേപ്പാളില്‍ സംഘടിപ്പിക്കുന്നുണ്ട്.

ആ മത്സരത്തില്‍ പങ്കെടുക്കുന്ന ഒരു ടീമിനെ നയിക്കുന്നത് ഓസ്‌ട്രേലിയന്‍ ദേശീയ ടീമിലെ ഒരംഗമായിരിക്കുമെന്നും രണ്ടാമത്തെ ടീമിനെ നയിക്കുന്നത് നേപ്പാള്‍ ക്രിക്കറ്റ് ടീം നായകനായിരിക്കുമെന്നും അവര്‍ അറിയിച്ചു.

 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha