ഇന്ത്യന്‍ നായകന്‍ മഹേന്ദ്ര സിങ് ധോണി ടെസ്റ്റ് ക്രിക്കറ്റില്‍ നിന്നു വിരമിച്ചു. ഓസ്‌ട്രേലിയക്കെതിരായ ടെസ്റ്റ് പരമ്പര നഷ്ടമായതിനു പിന്നാലെയാണ് ധോണി വിരമിക്കല്‍ പ്രഖ്യാപിച്ചത്. മല്‍സരത്തിനു ശേഷം ക്യാപ്റ്റന്‍മാര്‍ നടത്തുന്ന പതിവു പത്രസമ്മേളനത്തില്‍ യാതൊന്നും അറിയിക്കാതിരുന്ന ധോണി ബിസിസിഐക്ക് അയച്ച കത്തിലാണ് വിരമിക്കല്‍ പ്രഖ്യാപിച്ചത്. പിന്നീട് ബിസിസിഐ പത്രകുറിപ്പിലൂടെ ധോണിയുടെ വിരമിക്കല്‍ വെളിപ്പെടുത്തുകയായിരുന്നു.

നാലു ടെസ്റ്റുകളുടെ പരമ്പരയില്‍ ആദ്യ രണ്ടു ടെസ്റ്റും ഇന്ത്യ തോറ്റിരുന്നു. മെല്‍ബണില്‍ നടന്ന മൂന്നാം ടെസ്റ്റ് സമനിലയിലും അവസാനിച്ചു. നാലാം ടെസ്റ്റില്‍ വിരാട് കോഹ്‌ലി ഇന്ത്യന്‍ ടീമിനെ നയിക്കും.ടെസ്റ്റില്‍ ഇന്ത്യയ്ക്ക് ഏറ്റവും കുടുതല്‍ വിജയങ്ങള്‍ നേടി കൊടുത്ത കളിക്കാരനാണ് ധോണി .60 ടെസ്റ്റിലാണ് ധോണി ഇന്ത്യയെ നയിച്ചത്.ഐസിസി ടെസ്റ്റ് റാങ്കിങ്ങില്‍ ഇന്ത്യയെ ഒന്നാം സ്ഥാനത്ത് എത്തിക്കുന്നതില്‍ ധോണി വഹിച്ച പങ്ക് വളരെ വലുതാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha