ഇന്ത്യയുടെ ക്യാപ്റ്റന്‍ മാറിയതൊന്നും ഓസീസിനെ ബാധിച്ചില്ല. നാലാം ടെസ്റ്റില്‍ ഓസ്‌ട്രേലിയയ്ക്ക് ഉജ്വല തുടക്കം. ഒന്നാം ദിവസം കളി നിര്‍ത്തുമ്പോള്‍ ഓസ്‌ട്രേലിയ രണ്ടു വിക്കറ്റ് നഷ്ടത്തില്‍ 348 റണ്‍സ് നേടിയിട്ടുണ്ട്.

ഓസ്‌ട്രേലിയയെ മികച്ച സ്‌കോറിലെത്തിച്ചത് ഡേവിഡ് വാര്‍ണറുടെ സെഞ്ചുറിയാണ് . ഈ പരമ്പരയിലെ മൂന്നാം സെഞ്ചുറി നേടിയ വാര്‍ണറുടെ കരിയറിലെ 12-ാം സെഞ്ചുറിയാണിത്. അതേസമയം, അഞ്ചുറണ്‍സിന് അകലെ ക്രിസ് റോജേഴ്‌സിന് സെഞ്ചുറി നഷ്ടമായി.

 
ഇന്ത്യയ്ക്കായി മുഹമ്മദ് ഷമിയും ആര്‍. അശ്വിനും ഓരോ വിക്കറ്റ് വീതം വീഴ്ത്തി. ടോസ് നേടി ബാറ്റിങ് തിരഞ്ഞെടുക്കുകയായിരുന്നു ഓസ്‌ട്രേലിയ. ഇന്ത്യന്‍ ടീമില്‍ നാല് മാറ്റങ്ങളുണ്ട്. ശിഖര്‍ ധവാന്‍, ഇഷാന്ത് ശര്‍മ, പൂജാര എന്നിവര്‍ക്ക് പകരം, രോഹിത് ശര്‍മ, സുരേഷ് റെയ്‌ന, ഭുവനേശ്വര്‍ കുമാര്‍ എന്നിവരെ ടീമില്‍ ഉള്‍പ്പെടുത്തി.

വിരമിച്ച ധോണിക്കു പകരം വൃദ്ധിമാന്‍ സാഹയാണ് വിക്കറ്റ് കീപ്പര്‍. ആദ്യ രണ്ടു മല്‍സരങ്ങളും ജയിച്ച ഓസീസ് നേരത്തെ പരമ്പര സ്വന്തമാക്കിയിരുന്നു. മൂന്നാം ടെസ്റ്റ് സമനിലയില്‍ അവസാനിക്കുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha